تعرف تقول لي فرقين بين ...

ليه الثعلب تخين؟

علشان التعلب Fat fat

- الليمون و الزيتون؟

1- فيه لمونادة وما فيش زيتونادة .

2- تقدر تقول الناس لاموني لكن ما تقدرش تقول الناس زاتوني.

طب تعرف تقول 5 فروق بين البطة والوزة؟

1. تقدر تحلق شعرك زلبطة لكن ما تقدرش تحلقه زلوزة.

2. في رحاله اسمه ابن بطوطة لكن مافيش رحاله اسمه ابن وزوزة .

3. تقدر تبلبط في البحر لكن ما تقدرش تبلوز فيه .

4. كلنا نتغطى في الشتاء ببطانية لكن ما بنتغطاش بوزانية.

5. الوزة كانت زمان بطة لكن الشيطان وزها .

طب تعرف تقوللي 5 فروق بين الفيل والنملة؟

1- رجل الفيل ممكن تنمل لكن رجل النمله مش ممكن تفيل

2- البيت ممكن يبقى فيه نملية لكن مش ممكن يبقى فيه فيلية .

3- تقدر تاكل سمك فيليه لكن مش ممكن تاكل سمك نمليه.

4- كل واحد له بروفيل لكن مالوش برونمله .

وليه الكتكوت ما بيعرفش يكذب على الفرخة؟

علشان هيه اللي فقساه

مع تحياتى

طيب ....تقدر تقول لي : إيه الفرق بين القرد و التلاجة ؟؟؟؟

منتظر منك إجابة يا سي عمر

Abo Habib كتب:: طيب ....تقدر تقول لي : إيه الفرق بين القرد و التلاجة ؟؟؟؟

منتظر منك إجابة يا سي عمر

انا مش هرد للاسباب الاتيه:

1- السوال مش فى محله لان ده قسم النكت مش الالغاز

2- السوال فى غايه السهوله

3- انت اول ماتخشلى موضوع تحرجنى..هههه

شوفت فلت من السوال ازااااى

مع تحياتى