HABIBBOND
نائب المديرالعام
 عدد الرسائل : 5664
الموقع : كوكب عطارد وانت جاى من زحل على ايدك اليمين
نقاط : 3356
تاريخ التسجيل : 18/10/2007
 | |  شماعات العز المستورده | |
كتير من الناس بيحتاجوا شماعه عشان يعلقوا عليها اخطاءهم مفيش حد بيحب يعترف بخطئه .. كأننا ملايكه و مش بنخطأ وبيزيد الطين بله اننا بنبدأ نحمل اخطاءنا لغيرنا مع ان الخطأ بيكون واضح ومش محتاج لكلام لكن هتقول ايه؟؟!!!!!المخطئ يبدأ يفسر اشياء على هواه.. ويكذب على نفسه .. ويصدق الكذبه يعنى لو واحد رسب فى الكليه .. وسألته إيه اسباب رسوبك ؟؟ هتلاقيه يقولك .. اصل الدكتور مستقصدنى .. والاسئله من بره المنهج .. وحجج ملهاش اول من اخر .... المهم ان الغلطه مش غلطته هوا .. لاء... هو حلو وهما اللى وحشين  لو سألت واحد اتفصل من الشغل .. اتفصلت من الشغل ليه ؟؟ هتلقيه يبدأ يعد لك ميت حاجه .. عن اسباب فصله من شغله؟؟ .. ومش هيذكر منها الاسباب الحقيقه التى ادت الى فصله ( واكيد السبب .. الاهمال ) .. هو ليه مش عندنا الشجاعه اننا نعترف بالخطأ؟؟
ليه بندور دايماً على شماعه نعلق عليها اخطاءنا؟؟
اخطاءنا كل يوم بتذيد . وعدم الاعتراف بيها كارثه  .. وبالمعدل دا هنحتاج من (العز) يفتح لنا محل شماعات مستورده .. يعنى بما اننا دولة مش بتعترف بالتصنيع .. وبتستورد كل حاجه من بره .. بداية من السجاده الصينى الى اللبن اليوغسلافى .. نكلم ( العز) يفتح لنا محل شماعات مستورده .. وانا اضمن له انه يشتغل كويس وهيلاقى زباين كتير .. واكيد المكسب مضمون .. لكن ممكن تتوقع الخساره لو فعلا بدأنا نتعلم من اخطاء الماضى واتكونت عندنا شجاعة الاعتراف بالخطأ
..
سؤالى للاعضاء الافاضل هل لو( العز) فتح محل شماعات تتوقع له المكسب ام الخساره ؟؟
| |
|
