نصايح فى فترة الخطوبه

اختى العزيزه لو ربنا فك عقدتك واتخطبتى فاليكى نصائح هامه حتى تاخذى بخطيبك من مركب الخطوبه اللى محدش عارف هترسى على ايه الى مثواه الاخير فى قفص النسانيس قصدى قفص الزوجيه السعيد
اجمل ما فى الخطوبه العزومات الرومانسيه على احلى محلات اكل فى البلد واللى عمرك ما هتشوفيها تانى بعد الجواز
المهم النصايح ليكى عند اى عزومه مع خطيبك قلنا رقه

1-الاول لازم تعرفى ان الشوكه والسكينه بيتمسكوا من ايديهم من الطرف يعنى مش من الوسط

2-العيش اوعى تفضحينا وتقطعيه بسنانك ولا الرغيف نصين بايدك وكل نص تاكليه وتحشرى....اوعى
العيش بيتقطع بالسكينه فى الطبق وبعدين تاخدى لقمه لقمه بالعافيه قال يعنى نفسك مسدوده اضغطى على نفسك وعلى اعصابك جدااااا وبعدين لما تروحى ابقى كملى زى ما انتى عاوزه

3-الشوربه اتوسل اليكى بند الشوربه دا مهم اوى اوى
الشوربه تتشرب من غير صوت خالص ومن غير ما تقعدى تنفخى فيها زى القهوجى اللى بينفخ للزبون فى الحجر
بالمعلقه وبدون صوت سخنه ولعه برضه بدون صوت

4-الرز طبعا بيتاكل بالشوكه اوعى ايدك تتمد عى المعلقه وتغرفى من طبق الرز وتعبى اوعى الرز بالشوكه وكانك بتبوسيه مش بتاكليه

5-المكرونه الاسباكتى برضه بالشوكه تتلف على طرف الشوكه لحد ما تخلص وبعدين تحطيها فى بؤك من سكات مش تشفطى المكرونه عود عود

6-السمك مشكله شوفى بتفصلى الحم عن الشوك ازاى اقولك بدل الفيلم الهندى دا ... نصيحه متكليش السمك خالص
قولى مبحبش السمك وخلصى نفسك

7- الفاكهه لو فيها بذر طلعيه من بؤك بالراحه وحطيه فى ايدك وهى مقفوله اوعى يا حبيبتى من اى نظام تانى مينفعش

8- لما تخلصى اكل تحطى ايدك على بطنك اللى عصافيرها بتصوصو من الجوع وتقوليله مش ممكن انا عمرى ما اتفجعت كدا انا ادامى اسبوع هبطل اكل فيه

وبعدين تمسكى الفوطه اللى دايما موجوده على الترابيزه من غير لازمه
وتبوسيها ال يعنى بتمسحى بؤك
وبعدين تستاذنى منه لدخول التواليت لاصلاح مكياجك وتدخلى التواليت وتطلعى منه لفه الفول والطعميه اللى انتى جايباها معاكى وبالهنا والشفا

واتمنى انكوا تضحكوا من قلبكم لان الدنيا مش مستاهله
شكرا...........................الحريف

ههههههههههه
نصائح جميله جدا جدا
شكرا ليك الحريف

هى دى الواضيع اللى تشجع
ودايما المزيدعشان نضحك اكتر
بس فى مشكلة هتاكل الملوخية ازاى

الاخ / الحريف

تلك النصائح اجدها مناسبه اكثر فى منتدى الطرائف

من الممكن ان تتابع موضوعك هناك

تحياتى لك

وكل عام وانتم بخير

أخى الحريف أولا أشكرك على نقل هذه المعلومات الينا ويارب المنتدى يكون فيه الأحسن والأحسن دايما يارببس اعتقد ان البنات أرق من كده بكتير مش زى ماانتا متصور انا مش بدافع عنهم بس انا شايف ان كل الكلام ده المفروض يتوجه لنا احنا لأنهن بطبيعة الحال رقيقات فى جميع معاملاتهن على العموم شكرا لك وكل عام وانت طيب

احمد نور : اشكرك يا اخى على الرد ، وان كنت ارى انك تضحك هههههههههه ، فهذا اسعدنى ، واتمنى ان اكون سببا فى سعادتك دائما

شكرا .................... الحريف

هى دى الواضيع اللى تشجع
ودايما المزيدعشان نضحك اكتر
بس فى مشكلة هتاكل الملوخية ازاى

طريقة اكل الملوخيه

بالمعلقه وتشرب منها من غير متطلع صوت ، يعنى كأنها بتبوس المعلقة ، ولقمه صغيره تمسكها فى ايديها تاكل منها نتفوته ، اوعى تعمل اللقمه ودن قطه وتغطس ايديها فى الطبق وتحشر فى بؤها ، او عشان تستريح تقول انها مبتكولش الملوخيه

شكرا حبيب بوند لنقل الموضوع فى المكان الذى تراه صحيحا
...................................الحريف