نصائح خالتى بسمه للعروسه البريمو

نصائح خالتي بسمة
العروسة البريمو

لو كنت عروسة جديدة ولسه مستجدة علي المطبخ ومحتوياته‮.. ‬ودايما بيحصلك مواقف‮ ‬غريبة وما بتعرفيش تتصرفي فيها يبقي لازم تقري النصائح اللي جاية دي‮.. ‬وأكيد ح تفرق معاكي وح تخليكي طباخة بريمو‮.‬
• ‬لو لقيت الأكل ملحه زايد‮.. ‬حطي حبة بطاطس فيه وهي ح تمص الملح الزيادة‮.. ‬بس اوعي تنسي تقشري البطاطس‮!‬
• ‬لو كنت ح تعملي مسقعة‮.. ‬فعلشان الباذنجان ما يسودش وتروح فايدته حطيه في طبق‮ ‬غويط فيه مية وملح‮!‬
• ‬وأنت بتحضري السلطة ما تحطيش عليها الملح والليمون إلا ساعة التقديم عشان ما تدبلش‮.. ‬وتقرفي تاكليها‮!‬
• ‬لو كانت الطاسة لسه جديدة حطي فيها شوية خل وبعدين حطيها علي النار وبعد ما تغلي ارفعيها من النار وده ح يمنع التصاق الطعام في الطاسة بعد كده‮!‬
• ‬لو فضل عندك قطع زائدة من الكيك‮ ‬غطيها بكيس نايلون وحطيها في الثلاجة عشان ما تنشفش‮!‬
• حطي الدقيق في إناء محكم وفي مكان‮ ‬غير رطب عشان يعيش مدة أطول وما يسوسش‮! ‬
• ‬عند سلق المكرونة اضيفي ملعقة زيت في ماء السلق وبعد ما تتسلق صبيها من مية السلق في الحال واغسليها بماء بارد‮.. ‬عشان ما تعجنش ويبقي يومك مش فايت‮!‬
• عشان عنيك ما تدمعش‮.. ‬حطي البصل في طبق به ماء قبل تقشيره لمدة نص ساعة‮.. ‬أو حطي البصل اللي ح تستعمليه في الفريرز لمدة نصف ساعة قبل الاستخدام بس أوعي تقولي للولية جارتك الحشرية علي الحكاية دي‮.‬
• بللي‮ ‬ايدك بالمية عند تقطيع التوم علشان ما‮ ‬يلزقش في ايدك ويبقي ريحتك تقلية‮.‬
• ‬لتنظيف الخلاط حطي به قليل من الماء الساخن الممزوج بقطرات من مستحضر التنظيف وشغلي الخلاط لثوان معدودة‮!‬
• ‬لكي تحصلي علي كمية اكثر من عصير البرتقال أو الليمون ضعيه في ماء ساخن لمدة عشر دقائق وادعكيه ثم اقطعيه واعصريه‮!‬
• ‬ما تنسيش تشيلي الريم اللي بيطلع ع وش اللحمة وهي بتتسلق‮.. ‬عشان لونها ما يغمقش‮!‬
• ‬لتطرية لحم الاستيك تفرك كل قطعة بمزيج من الخل والزيت وتترك لمدة ساعتين قبل التحمير‮.. ‬وكلي وادعيلي‮!
• لو كنت بتطبخي بالزيدة‮.. ‬ما تنسيش تحطي معاها قليل من الزيت عند قدحها عشان ما تتحرقش‮. ‬وجوزك يتخانق معاكي‮!‬
• ما تقليش البطاطس إلا في زيت مقدوح عشان ما يشربش الزيت‮.. ‬وجوزك يرميه في وشك‮!‬
• ‬ما تستخدميش زيت القلي اكثر من ثلاث مرات‮.. ‬عشان ما يغيرش طعم ولون الأكل‮.. ‬وجوزك يسيبك ويروح ياكل عند أمه‮!‬

ايه رأيكم فى النصائح دى

يارب تكون عجبتكم GOGE

سأنتظر ردودكم santa

مع تحياتى

» قصة خالتى بسمه الرغايه بس ممتعه جدا جدا
» نصائح الى كل ولى امر
» نصائح غاليه
» نصائح رائــــــعه
» نصائح غالية