منتدى شباب كفر الجمال
مرحبا بك أيها الزائر الكريم ...أبو حبيب يرحب بك في منتدى شباب كفر الجمال...
و يشرفنا أن تقوم بالتسجيل لتتمكن من الاطلاع على جميع أقسام المنتدى....
منتدى شباب كفر الجمال
مرحبا بك أيها الزائر الكريم ...أبو حبيب يرحب بك في منتدى شباب كفر الجمال...
و يشرفنا أن تقوم بالتسجيل لتتمكن من الاطلاع على جميع أقسام المنتدى....
منتدى شباب كفر الجمال
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شباب كفر الجمال

 
الرئيسيةالبوابةأحدث الصورالتسجيلدخول
كيفية التعامل مع الشعب المصرى Animal11
كيفية التعامل مع الشعب المصرى 09910
كيفية التعامل مع الشعب المصرى 1611
كيفية التعامل مع الشعب المصرى Tكيفية التعامل مع الشعب المصرى Eكيفية التعامل مع الشعب المصرى Nكيفية التعامل مع الشعب المصرى Emptyكيفية التعامل مع الشعب المصرى Lكيفية التعامل مع الشعب المصرى Aكيفية التعامل مع الشعب المصرى Mكيفية التعامل مع الشعب المصرى Eكيفية التعامل مع الشعب المصرى Gكيفية التعامل مع الشعب المصرى Lكيفية التعامل مع الشعب المصرى Eكيفية التعامل مع الشعب المصرى Emptyكيفية التعامل مع الشعب المصرى Wكيفية التعامل مع الشعب المصرى Wكيفية التعامل مع الشعب المصرى W
كيفية التعامل مع الشعب المصرى 1611 الآن  وبعون الله تعالى   المنتدى على سيرفر جديد www.elgemal.net

 

 كيفية التعامل مع الشعب المصرى

اذهب الى الأسفل 
كاتب الموضوعرسالة
HABIBBOND
نائب المديرالعام
نائب المديرالعام
HABIBBOND


ذكر عدد الرسائل : 5664
الموقع : كوكب عطارد وانت جاى من زحل على ايدك اليمين
نقاط : 3356
تاريخ التسجيل : 18/10/2007

كيفية التعامل مع الشعب المصرى Empty
15072008
مُساهمةكيفية التعامل مع الشعب المصرى



بسم الله الرحمن الرحيم

ازيكوا يا شباب
cheers
قولت قبل كدا

قرارتنا بين المرونه والتزمت
ونزلت قصة .. وغيرت القانون ( قانون تعديل المساهمات )
لكن تخيلوا .. بعد تغيير القانون بكام يوم
لقيت مخالفه تؤكد لى اننا فعلا شعب ما ينفعش نتعامل بديمقراطيه .. اصلح شيئ لينا هو الديكتاتوريه


طيب لقيت ايه؟؟ .. احكى لنا ياعم
حاضر .. انا طبعا هاحكى


لقيت اعضاء غلطوا فى بعض .. وكل واحد غير مساهمته بعد ما العضو التانى رد عليه
وفى الاخر اما انا شوفت ما شوفتش الا المخطئ بس
وتم عقاب الفرعون العاشق وانسان حكيم
مع ان العدل ان اعاقب حوالى 6 اعضاء .. لكنى وقتها لم اكن متخيل مقدار الخطأ
وبنائا عليه تم عقاب الاعضاء اللى ماعدلوش مساهمتهم
وكان قرار خاطئ .. وانا بعتزر للفرعون العاشق وانسان حكيم .. من خلال الموضوع دا

لكن فيه حاجه اهم
هل الشعب المصرى ما ينفعهوش غير حاكم ديكتاتور
يعنى الديمقراطيه ماتنفعش
..
زماااااااان ايام ما كنت فى الابتدائى
كنت اما اسمع حد بيشتم فى الشعب المصرى كنت بزعل اوى
اقول ازى يقول على الشعب المصرى كدا


كنت بقول

ان الشعب المصرى هو
الذي قهر الهكسوس

وأوقف زحف التتار
..

وقهر خط بارليف المنيع
..

وأمم قناة السويس
وبنى السد العالي


و
و


مش بقولكم انى كنت فى ابتدائى

Smile

..
اما كبرت شويه
كنت بقرأ جرنال الاهرام.. ولقيت كاريكاتير
موتنى من الضحك ..وكنت بقول استحاله يكون الكلام دا فى مصر
كان فيه كاريكاتير مكتوب تحته بدون تعليق
تخيلوا معايا ..


فيه لوحة مكتوب عليها حافظوا على نظافة مدينتكم
ومرسوم تحت اللوحة كوم زباله
..
وكمان ممكن تلاقى لوحه مكتوب عليها ممنوع الوقوف قطعيا .. ومش غريب ان لوحة تكون جنبها مكتوب عليها .. موقف اتوبيس

..

هو مفيش حاجه غريبه عن الشعب المصرى
Smile
..
سمعت واحد بيقول ان الشعب المصرى دا عامل زى الطفل
اما مامته تقوله (( ما تلعبش فى الطين يا ولد))
أول حاجه يعملها انه يلعب فى الطين .. مره واتنين وتلاته ... وعشره Smile
لحد ما ابوه يجى ويروح ضربه علقه سخنه .. بيحرم بعدها يلعب فى الطين

..


طيب ايه الحل فى التعامل مع الشعب المصرى
اننا نتعامل بديمقراطيه
ولا ديكتاتوريه

:
لو كل واحد هيعمل غلطه وعارف ان لها عقاب رادع .. عمرة ما هيفكر يعملها
يعنى اللى بيرمى الزباله فى الشارع .. لو هيدفع غرامه فوريه .. عمره ما هيفكر يرمى الزباله تانى

زى التدخين فى المترو .. ممنوع .. واللى بيدخن بيدفع غرامه فوريه

حد شاف قبل كدا .. واحد بيدخن فى المترو

طبعا لاء

لان العقاب فورى .. ومفيش فيه اى تهاون
..

لغز محتاج لحل


ما هو الاسلوب الامثل فى التعامل مع الشعب المصرى .. الديمقراطيه.. ام الديكتاتوريه؟؟


منتظر ارائكم

تحياتى لكم


وسلام الله عليكم ورحمته وبركاته

الرجوع الى أعلى الصفحة اذهب الى الأسفل
مُشاطرة هذه المقالة على: reddit

كيفية التعامل مع الشعب المصرى :: تعاليق

الفرعون العاشق
رد: كيفية التعامل مع الشعب المصرى
مُساهمة الأربعاء 16 يوليو - 0:34:55 من طرف الفرعون العاشق
والله بجد يا هندسه مش عارف اقولك ايه
لكن صدقنى سواء اطردت سواء موجود انا مقدرش ازعل منك خالص
والحمد لله انك عرفت الحقيقه
والاعتذار الموجود فى الموضوع ده بجد حاجه كبيره عندى جدا واشكرك بجد عليه جدا
اما بالنسبه للموضوع فانا رايى انى خلاص المفروض يشيلوا كلمه ديمقراطيه دى من القاموس
لانى ليس لها وجود على الاطلاق الان
والشعب المصرى خلاص مش هيمشى غير بالدكتاتوريه وزى ما انت قلت مثال المترو
وفيه امثله كتير على انى الدكتاتوريه هى الى بقت بتنفع مع شعب مصر
ومادام الدمقراطيه مقدرتش تعمل حاجه او تصلح حاجه ( رغم انها مكنتش ديمقراطيه كامله ) المفروض بقى يشغلوا شويه
الديكتاتوريه جايز تكون هى السبيل الى النجااااااااااااااااه
سلامى ليك يا هندسه
الفرعون العاشق
gogeeeeta
رد: كيفية التعامل مع الشعب المصرى
مُساهمة الأربعاء 16 يوليو - 1:30:45 من طرف gogeeeeta
انا لسه ف ابتدائى على فكرة

:
كل ما اسمع حد يكلم..
يقول دا الشعب المصرى كذااااااااا كذاااا كذااااااااا..

وياسلاام ع الشتايم
حتى المصريين بيقولو على نفسهم كدااااااااا
حتى الاطفال
لما اى تصرف غلط يحصل ف الشارع ....

تلاقى الناس بتقول هوا دا الشعب المصرى
بجد بزعل اوى
No

:


اللى بيحصل عندنا دا ممكن يحصل ف اى دوله ف العالم
لما احوالها تبقا تحت الصفر
زينا بالظبط دلوقتى
:
:

يعنى مش الشعب المصرى هوا اللى فيه كل العبر
عيب اوى لما احنا اللى نسوء سمعه بلدنا
ياسيدى سيبك من الناس اللى بيقفوا بعربياتهم فى اماكن ممنوع فيها الانتظار
وسيبك من اللى بيرمو ورق ف الشارع
ابدأ بنفسك بس وراعى ربنا قبل القانون
ومالكش دعوة

:
يا جماعة احنا بلدنا مذكوزة ف القران
يا جماعة دا احنا خير جنود الارض
عايزين ايه تاااااااااااانى بس


:

اقتباس :
شاف قبل كدا .. واحد بيدخن فى المترو

طبعا لاء

لان العقاب فورى .. ومفيش فيه اى تهاون
..

لغز محتاج لحل




لما يبقا فى عقاب للناس اللى بتتصرف غلط
دى مش ديكتاتوريه
دا نظاااااااااااااااااااام
والنظام بيحفظ لكل حد حقه ودى حاجة كويسه
:
:
:


شكرا ع الموضوع

سلامٌ عليكم
HABIBBOND
رد: كيفية التعامل مع الشعب المصرى
مُساهمة الأربعاء 16 يوليو - 16:56:46 من طرف HABIBBOND
الفرعون العاشق

اعتزارى لك امر مفروغ منه
لكنى مش بعترف بكلمة اسف .. لانى بفضل الاعتزار العملى
لكنى مش لاقى طريقه اعبر بيها عن اعتزارى

لكن جميل انك تقبلت الاعتزار
ولازم تعرف اننا هنا كلنا اخوات مهما حصل بينا
..

اما بالنسبه لرأيك فى الموضوع
انا من وجهة نظرى ان الحريه والديمقراطيه الناس بتستخدمها خطأ
يعنى الخطأ فى الشعب

العقاب لابد وان يكون صارم .. وسريع ( فورى)
دايما العقاب الفورى بيكون له تأثير على النفس البشرية


شكرا الفرعون العاشق على الراى

تحياتى لك

وسلام الله عليكم
..






Master H4
رد: كيفية التعامل مع الشعب المصرى
مُساهمة الخميس 17 يوليو - 15:57:46 من طرف Master H4
الموضوع جميل يا هندسة
بس فى حاجة
انت بتتكلم على المنتدى واعضائة
ولا بتتكلم على الشعب المصرى عموما

لو كنت بتتكلم على المنتدى
لازم تكون الديكتاتوريه
هى النظام الاساسى
لماذا
لانة يعتبر مجتمع جديد
وكل مجتمع جديد يكون فية عناصر تريد ان تكون مستقلة
اى معارضة
اى خارقة للقوانين
فماذا تفعل
يجب ان يعاقبوا اشد العقاب ليكونوا عبرة لباقى اعضاء هذا المجتمع
وبعد فترة من الالتزام
ماذا تجد
سوف تجد انك تتحول الى الدمقراطية مرحلة بعد مرحلة

اما عن الشعب المصرى
احنا شعب جامد يا هندسة
وعمر ما فى نظام نفع معانا
ولا حتى وندوز

شكرا على الموضوع
HABIBBOND
رد: كيفية التعامل مع الشعب المصرى
مُساهمة الخميس 17 يوليو - 19:08:42 من طرف HABIBBOND
اقتباس :
انا لسه ف ابتدائى على فكرة

:
كل ما اسمع حد يكلم..
يقول دا الشعب المصرى كذااااااااا كذاااا كذااااااااا..
وياسلاام ع الشتايم
حتى المصريين بيقولو على نفسهم كدااااااااا
حتى الاطفال
لما اى تصرف غلط يحصل ف الشارع ....

تلاقى الناس بتقول هوا دا الشعب المصرى
بجد بزعل اوى
No


هو بجد الواحد بيكون حزين على حال الشعب المصرى
لكن بشهادة الشعب المصرى نفسه
اننا شعب مش نافع معاه الا الشده والحزم
وبعدين ان كان على الزعل
اهوه
No

..
اقتباس :


ياسيدى سيبك من الناس اللى بيقفوا بعربياتهم فى اماكن ممنوع فيها الانتظار
وسيبك من اللى بيرمو ورق ف الشارع

ابدأ بنفسك بس وراعى ربنا قبل القانون
ومالكش دعوة


دا الكلام المهم
اما اغلط مقياسى لغلطى يكون بالنسبه للقانون
مش بالنسبه لغلط غيرى

يعنى ماينفعش اسرق .. واقول ....... الحمد لله دا غيرى بيقتل affraid
مش ارد على والدى وولدتى باسلوب غلط .. واقول ............. الحمد لله دا غيرى بيمد ايده على ابوه وامه affraid
الاتنين غلط .. ومخطئين
اقتباس :



لما يبقا فى عقاب للناس اللى بتتصرف غلط
دى مش ديكتاتوريه
دا نظاااااااااااااااااااام
والنظام بيحفظ لكل حد حقه ودى حاجة كويسه



فعلا .. بس يكون العقاب صارم .. ويتم تطبيقه بسرعه

لكن كان سؤالى


ما هو الاسلوب الامثل فى التعامل مع الشعب المصرى .. الديمقراطيه.. ام الديكتاتوريه؟؟


ولا الديكتامقراطيه هى الحل ..؟؟ Smile
شكرا gOgeeeetA

على المشاركه

:

وسلام الله عليكم ورحمته وبركاته
HABIBBOND
رد: كيفية التعامل مع الشعب المصرى
مُساهمة الجمعة 18 يوليو - 5:26:20 من طرف HABIBBOND
Master H4 كتب:

لو كنت بتتكلم على المنتدى
لازم تكون الديكتاتوريه
هى النظام الاساسى
لماذا
لانة يعتبر مجتمع جديد
وكل مجتمع جديد يكون فية عناصر تريد ان تكون مستقلة
اى معارضة
اى خارقة للقوانين
فماذا تفعل
يجب ان يعاقبوا اشد العقاب ليكونوا عبرة لباقى اعضاء هذا المجتمع
وبعد فترة من الالتزام
ماذا تجد
سوف تجد انك تتحول الى الدمقراطية مرحلة بعد مرحلة


بصراحة انا مش عارف اقولك ايه

master h4

بجد .. مشاركه روعه .. وفكر اتفق معك فيه

انا كنت اضفت بعض القوانين .. بديكتاتوريه

للحد من ظاهرة تعديل المشاركات .. والشات اللى ظهر فى بعض المواضيع

وبعد التزام الاعضاء .. سيتم الغاء تلك القوانين

لكن بعد توضيح بعض الامور فى موضوع

كيفية التعامل فى المنتديات

:

تحياتى لك


وسلام الله عليكم


avatar
كيفية التعامل مع الشعب المصرى
مُساهمة الجمعة 18 يوليو - 15:47:25 من طرف فارس الرومانسيه
انا ها قول كلمتين اولا
سعد زغلول قال عن الشعب المصري
مفيش فايده
ثا نيا
الشعب المصري تجمعه زماره وتفرقه عصايه

يعني الدكتاتوريه وبس
HABIBBOND
رد: كيفية التعامل مع الشعب المصرى
مُساهمة الجمعة 18 يوليو - 20:09:31 من طرف HABIBBOND
اقتباس :

:

انا ها قول كلمتين اولا
سعد زغلول قال عن الشعب المصري
مفيش فايده
ثا نيا
الشعب المصري تجمعه زماره وتفرقه عصايه

يعني الدكتاتوريه وبس


اهلا بيك يا فارس الرومانسيه

رأيك محل احترام

لكن انا مع الديكتامقراطيه Smile

يعنى ولا ديكتاتوريه ..... ولا ديمقراطيه

:

اصل الديمقراطيه تنفع مع الاسوياء .. المعتدلين فى التفكير ..

يعنى عشان تطبقها محتاج صفات معينه فى الشعب اللى هتطبقها عليه

اما الشعب المصرى ... استاذ فى خرق القوانين والتلاعب بها ... يبقى محتاج ديكتاتوريه فى بعض القرارات


.....

شكرا فارس الرومانسيه

تحياتى لك


سلام الله عليكم ورحمته وبركاته



firefox
رد: كيفية التعامل مع الشعب المصرى
مُساهمة السبت 19 يوليو - 4:31:55 من طرف firefox
بسم الله الرحمن الرحيم

الحكماء نوعان.. نوع حازم ديكتاتورى وهذا يفقد التواصل مع الشعب او المحكومين و يكسب خوفهم لكنه يخسر محبتهم ونوع اخر يتساهل بشدة وديمقراطى الى ابعد الحدود فيخسر الاحترام الواجب و يختلط الحابل بالنابل و الفوضي التي نراها حولنا فى مصر عموما او فى المنتدى بصفة خاصه

فنصيحة لكل حاكم
اترك الشعرة بينك و بين من حولك و حافظ علي وجودها لا تجذب بشدة و لا ترخي بتهاون لتكسب حبك و احترامك في وقت واحد حافظ علي الاتصال بينك و بين الناس


اى لا تكن صلبا فتنكسر .. ولا لينا فتعصر

firefox الجن
HABIBBOND
رد: كيفية التعامل مع الشعب المصرى
مُساهمة الأربعاء 6 أغسطس - 11:51:09 من طرف HABIBBOND
firefox كتب:

بسم الله الرحمن الرحيم

الحكماء نوعان.. نوع حازم ديكتاتورى وهذا يفقد التواصل مع الشعب او المحكومين و يكسب خوفهم لكنه يخسر محبتهم ونوع اخر يتساهل بشدة وديمقراطى الى ابعد الحدود فيخسر الاحترام الواجب و يختلط الحابل بالنابل و الفوضي التي نراها حولنا فى مصر عموما او فى المنتدى بصفة خاصه

فنصيحة لكل حاكم
اترك الشعرة بينك و بين من حولك و حافظ علي وجودها لا تجذب بشدة و لا ترخي بتهاون لتكسب حبك و احترامك في وقت واحد حافظ علي الاتصال بينك و بين الناس


اى لا تكن صلبا فتنكسر .. ولا لينا فتعصر

firefox الجن


firefox

شكرا للرأى والنصيحه

وفقك الله

وسلام الله عليكم
avatar
رد: كيفية التعامل مع الشعب المصرى
مُساهمة الأربعاء 17 سبتمبر - 23:59:04 من طرف الحريف


شكرا يا هندسة على الموضوع الجميل ، فيه حقيقه واضحه وملموسه ، ان المصريين صعب التعامل معهم ، لانهم شعب يجيد التحايل على القوانين واختراقها ، ولا تجد فائده فى التعامل مع الشعب المصرى غير الديكتاتوريه ، او على رأى احمد زكى - الديكتاتور المستنير ، وكل ما كان العقاب كبير كل ما تلاقى التزام من الشعب .
وشكرا.............................الحريف
HABIBBOND
رد: كيفية التعامل مع الشعب المصرى
مُساهمة الثلاثاء 23 سبتمبر - 3:16:18 من طرف HABIBBOND
الحريف كتب:


شكرا يا هندسة على الموضوع الجميل ، فيه حقيقه واضحه وملموسه ، ان المصريين صعب التعامل معهم ، لانهم شعب يجيد التحايل على القوانين واختراقها ، ولا تجد فائده فى التعامل مع الشعب المصرى غير الديكتاتوريه ، او على رأى احمد زكى - الديكتاتور المستنير ، وكل ما كان العقاب كبير كل ما تلاقى التزام من الشعب .
وشكرا.............................الحريف


فعلا .. نحتاج الى الديكتاتور المستنير
..
التعامل بديمقراطيه مع الشعب المصرى .. ممكن يؤدى الى فوضى
وبعدين انا قولت ان العقوبه اما تكون رادعه وفوريه .. اكيد ستؤدى الى الالتزام
وكان كلامى قبل تطبيق قانون المرور الجديد
تعالى شوف الالتزام حاليا بعد تطبيق قانون المرور الجديد
تلاقى السواق بينام بالحزام اليومين دول Smile
قمة الالتزام
لان المخالفه محدد لها عقوبة فوريه ومغلظه
queen
..
..
شكرا لمرورك الطيب

وسلام الله عليكم ورحمته وبركاته
 

كيفية التعامل مع الشعب المصرى

الرجوع الى أعلى الصفحة 

صفحة 1 من اصل 1

 مواضيع مماثلة

-
» كيفية التعامل مع الآخرين
» كيفية التعامل مع الانترنت اكسبلورر بدون استخدام الماوس
» رساله الى الشعب المصرى
»  الضحك حصرى ..مع الشعب المصرى
» سلسة التعامل مع الله...

صلاحيات هذا المنتدى:لاتستطيع الرد على المواضيع في هذا المنتدى
منتدى شباب كفر الجمال :: المدونات :: HABIBBOND -
انتقل الى: