عم عنتر بيكلم نفسه

السلام عليكم....................

عنتر ماشى يكلم نفسه : خلااااااااص كفاية
مش معقول اللى بيحصل ده
ولحد امتى ؟؟
:_ أهلاااااااااا عم عنتر انت كنت فين ؟
: رجعت من يومين وحاسس انى غبت سنين !
هوة ايه اللى بيحصل ده ...
بقة انا اروح احط بنزين الاقيه بـ 175 !! ليه يعنى وبمناسبة ايه ؟

:_ايوة يا عم عنتر ما البنزين عدا وغلى مع اخواته !

: ماهو البنزين والسولار هيخلو الأسعار تغلا كمان وهتبقى نار ! يا رب الطف ،
تصدقى وانا ماشى فى الشارع كل شوية الاقى خناقة ، الناس مش طايقة بعضها
ولا سواقين التاكسى اللى بيتخانوا مش بس مع الزباين والعربيات اللى جنبهم لااااااا دول بيتخانقوا مع دبان وشوهم ! لا وكمان عاملين فيها تاكسى العاصمة !

:_عندك حق يا عم عنتر وربنا يستر !!!!!
:_ تفتكرى ارتفاع درجة الحرارة ليه علاقة بالخنقة اللى احنا فيها دى ؟
: !! تقصد ايه ؟!
:قصدى
إن الناس فى الصيف بتستهلك وبتخرج أكتر !
وأكيد هيحسوا بإرتفاع الأسعار أكتر!

:_ممكن ، بس متنساش كمان يا عم عنتر ان المرتبات زادت تلاااااااااتيييييييييييييييييييين فى المية !
يعنى تلت المرتب

:_ ايوة بس انتى ناسية حاجة مهمة جدا ً ؟!
:_ ايه ؟
:ان الزيادة دية لمواظفين الدواير الحكومية
وموظفين القطاع الخاص بقة هيعملوا ايه ؟

:_ يااااااه صحيح يا عم عنتر مش كل اصحاب المصانع والشركات الخاصة هيزودوا الموظفين
لأن فيهم الجشعين ويمكن يكونوا مفلسين ؟!

: ايوة بس الحق حق
والمساوة فى الظلم عدل
دا انا حاسس اننا قريب هنبقى عاملين زى على الكسار فى فيلم سلفنى تلاتة جنيه !

: _ ما تقلقش يا عنتر ان شاء الله خير

:_ والخير هيجى منين وانا صوتى اتبح
مع الهانم مراتى بقولها تشد الحزام تشد الحزام
وهى ولا هية هنا وكل شوية عايزة تزود المصروف خلاص الكل واخد زيادة الأسعار حجة !!!!!!!!

عن اذنك بقى علشان اروح ادفع فواتير التليفون والموبايل والغاز والكهربا والماية والنت والشوتايم !
ما هى بتكومهم عليا بالكوم وبدل ما تقولى حمد لله ع السلامة بتدينى بالايصالات والفواتير ف دماغى
آآآآآآآآآآه انا حاسس انى تعبان
عن اذنك بقة وبالمرة اعدى على الصيدلية اجيب علاج للأمراض اللى بيا

:_ اتفضل يا عم وربنا يشفيك .. وابقى طمنى عليك

يااااه عم عنتر مضايق اوى !
و فيها ايه يعنى لما الاسعار تزيد ما كل الدنيا غالية
اشمعنى احنا بس اللى عندنا مشكلة ؟
ويا ترى المشكلة دى ليها حل ؟
؟؟؟؟؟؟؟؟؟؟؟؟؟

مع تحياتى,,الفرعون farao

الصغير

بجد احيك على صياغة الموضوع

مناقشه لحل مشاكل الغلاء التى حلت بالبلاد
بس طريقه مسليه

انا ارفعلك القبعه يا اسامه

سلاميات

موضوع جميل

والله يكون فى عون عمى عنتر

وأكيد فى حلول مش حل واحد

وعايزك أقول لك موقف حصل معى

انا كنت بتكلم مع واحد عزيز عليا وعمال أتريق على الغلو وأرتفاع الاسعار

وعمال أقول لازم نأخذ موقف ولازم ولازم ولاز

وفجئة لقيته يقول لى

اللى بيحصل لنا أحنا نستهله

وقال لى أحنا اللى بعدنا عن ديننا وأخذنا الغرو ومفكرين ان أحنا ممكن نغير الكون

وقال لى أيضا
الحل هو ان أحنا لازم نتقى ربنا ونعود الى ربنا

وأكيد ربنا هيكون معانا والدنيا هتظبط أحسن من كده

اسف على الاطاله

وشكرا لك على الموضوع

الطائر المهاجر كتب:: بجد احيك على صياغة الموضوع

مناقشه لحل مشاكل الغلاء التى حلت بالبلاد
بس طريقه مسليه

انا ارفعلك القبعه يا اسامه

سلاميات

السلام عليكم............

شكرا لك على متابعتك
واتمنى ان يكون عجبك الموضوع بالفعل

تحياتى لك,,الفرعون farao

الصغير

ابن البلد كتب:: موضوع جميل

والله يكون فى عون عمى عنتر

وأكيد فى حلول مش حل واحد

وعايزك أقول لك موقف حصل معى

انا كنت بتكلم مع واحد عزيز عليا وعمال أتريق على الغلو وأرتفاع الاسعار

وعمال أقول لازم نأخذ موقف ولازم ولازم ولاز

وفجئة لقيته يقول لى

اللى بيحصل لنا أحنا نستهله

وقال لى أحنا اللى بعدنا عن ديننا وأخذنا الغرو ومفكرين ان أحنا ممكن نغير الكون

وقال لى أيضا
الحل هو ان أحنا لازم نتقى ربنا ونعود الى ربنا

وأكيد ربنا هيكون معانا والدنيا هتظبط أحسن من كده

اسف على الاطاله

وشكرا لك على الموضوع

السلام عليكم................

اشكرك على المتابعة
وعلى تليقك على الموضـــــــــوع
وربنا يكون فى عون عم عنتر وعون الجميع

تحياتى لك,,الفرعون farao

الصغير

كان الله فى عون عمك عنتر وكل الشعب المصرى
ولكن ان الله لا يغير ما بقوم حتى يغيروا ما بانفسهم
الى كل من يشكوا ضيقا فى الرزق اصلح ما بينك وبين الله يقرج الله همك ويوسعلك فى رزقك
الى الشاكى قم واستيقظ ولبىنداء الحق ولترى النتجة الفورية دون انتظار
ومن يتق الله يجعل لة مخرجا ويرزقة من حيث لايحتسب ومن يتوكل على الله فهو حسبة
صدق الله العظيم
انها علاوات وزيادات من العظيم المنان ولكن لمن؟؟؟؟؟؟؟؟ لعبادة المتقين المتوكلين علية الواثقين فى قضائة وحكمة
اما الساخطون العاصون فليس لهم الا الشقاء وضيقا فى الرزق والحياة فى دنياهم واخرتهم
هدى الله الجميع الى كل خير
شكر لللاخ الفاضل اسامة سلامة على مواضيعة المتميزة والسلام عليكم

شكرا علي هذا الموضوع
مواضيعك كلها جميلة وعصرية