(أوهـــــــــــام الحــــب الأول)

بسم الله الرحمن الرحيم

الحب.. .ياسلام

كلمه جميله...تلفت النظر...وأكيد له معانى كتيييييير

بس النهارده حا نتكلم عن النوع اللى محيرالكل

ايوه.. ..

افتحواقلوبكم....وكمان عقولكم...وتعالوا..يا أخوانى...ويا أخواتى

حاسه انى عاوزه أقول لكم كلام لأنى خايفه عليكم قوى

يمكن علشان بأفكر فى نفسى...وأبص لها...وأقول

يا ترى لما احب ...حا شوف الحب ازاى؟؟؟

(أوهـــــــــــام الحــــب الأول) 46241_wallpaper280

(أوهـــــــــــام الحــــب الأول) 46241_wallpaper280

بالفطره

....ربنا خلقنا كده...

هو يميل الى هى

وهى تميل الى هو

هى....فى أحلام يقظتها فارس نبيل....وسيم. ..طويل...يأتى على الحصان الابيض

هو فى أحلام يقظته فتاة جميله. ..كالقمر..رقيقه....رشيقه...رائعه...يسير معها على شاطىءالبحر

عادى ...من حقك تحلم....هو حد يقدر يسجن خياله!!

هو حد يقدر يفرمل أحلامه!!دى ماشيه لوحدها...مش بارادتنا

شىء مش بايدك...بس فى ايدك حاجات تانيه.....لازم تعرفها كويس

لأننا فعلا ممكن نغير أحلامنا...ونشكلها ..صح

أول النار. ..شراره

فى حفله...أو فرح...أو فى الكليه...أو فى الشارع....لأ دى من العيله...يعنى بنت عمى....أو بنت خالى..

كان حنفى شراره... ..فى نفس المكان.....

شافته..أو شافها.....لمحه واحده بس...((أول نظره))

والله ملتزم.. ..حتى هى محجبه.. ...ومابصتش تانى....

غضت بصرها...وغض بصره......بس هو الاختلاط

أمال ايه الحكايه

الله...انتوا ما تعرفوش انه كان مستنى اللحظه دى!!وقاعد من زمااااااااااااااااان يترقبها!

هو مين!!.......حا تعرفوه لوحدكوا

طبعها بالكربون...لأ...حلاهاأكتر و أكتر....

واستخدم مؤثرات صوتيه(( حبيبى يا نورالعين يا ساكن خيالى ))

وكمان صورهافيلم((فيديو كليب....))

لأ....حتى نجوم الليل و القمر...والهوا اللطيف اللى بيسلم علينا كل ليله...ويلمس خدودنا علشان نحس بنعمةربنا علينا.....خلاه يحس انه من عندها!!

وبعدين

ورسم على الشجره قلبه و قلبها
وغنى لعيونها و هو ما يعرفش حتى ايه شكلها
وسرح مع موج البحر رسم على الرمله قلبه و قلبها
وحول حياته لمقبره أيوه. ...مقبره....بس مقبره شكلها من بره حلو قوى
مدفون فيها وقت...وعمر.....وعمل....وقلب مجروح و بينزف ....واحتمال فى أى لحظه

يموت

(أوهـــــــــــام الحــــب الأول) 19

غسيل مخ

عمله غسيل مخ.. ...خلاه ينام...يحلم بيها...وعمل له مونتاج. ..وركب صورة وشها على جسم ((فتحيه بلاطه)) و هى بتغنى فى أغنيتها الاخيره. ..
وصورته على وش الموديل اللى كان معاها. .....فبقى كل يوم بيعيش أغنيه
((كذابه ))
...وحلم ((كذاب)). ...
خلاة يحس ان هو اللى بيغنى... ..وانها بتسمع كلام الاغنيه منه. ..وكان فرحان قوى....وهيمان.....وفجأه تحول حنفى الى انسان كسول .. مجروح....حزين...
وكل ده اخراج.....المخرج..
((شيطان ناجح جدا ))
عرفتوه بقى

طب...طب....ليه عمل فيه كده؟؟وايه الفايده. ..؟؟وليه بقى حزين...وما فضلش سعيد ليه؟؟
تعالوا معاى...علشان تعرفوا ليه بقى فى الاخر حزين

الاول

(أوهـــــــــــام الحــــب الأول) 7

ما اسمهوش الحب الاول .. ...سيبكم من كلام الاغانى و المفسديون .....
منهم لله.....حسبنا الله و نعم الوكيل
دى يا ولاداسمها ((الفتنه الاولى)) ....يعنى بيبقى قلبك زى الفل..ولأنك كبرت..واتغيرت...ومشاعرك نضجت....بتحس ان فيه حاجه جديده
الدنيا بقت حلوه . ..وردى...وردى...وردى..وردى.... وردى
وبقت القلوب فى كل مكان....على الكشاكيل ...وميداليات....وعلى الكروت...وسلاسل. .وأساتيك.....وشنط...وهناو هناك . ...

واديله بقى((أغانى أم كلثوم.. ...وعبد الحليم حافظ))
أصلها بتيجى على الجرح. ..وبتساعد فى اقناع العقل بوجود الحلم....مع انه فى الاصل حلم
حد يعذب نفسه بنفسه!!
حد يفضل يشم فى الاكل اللى ريحته واصله من عند الجيران...وهو عارف انه صايم ...ومش حا يأكل الا لما المغرب يأذن!!وكمان ما يقدرش يسرق أكل من حد!!
ما هو أصل الموضوع كده
انت صايم. ..وانت صايمه .. .وماينفعش تشموا ريحه أكل حد
اصبروا على الصيام شويه.....لحد ما أذان المغرب يؤذن...ويأذن الله تعالى
ساعتها حا تفطروا...والاكل...((الحب)) حا يكون طعمه حلو قوى....لأنه
((حلال))....وفى مكانه... .

فكر شويه

يعنى ايه الكلام ده.. . ..
هو انت يا ؟؟؟؟ ما بتسمعش ان الحب بعد الجواز مش موجود
وان الخطوبه أجمل فتره فى الحياه
وان...وان...وان

مين اللى قال.....برده...كلام المفسديون. ..فى الحوارات العجيبه.....
هو الحب ورده. ..وقلب. ..وغنوه. ...ونيل و هوا و ميه!!!
لأ....الحب بيتترجم لأفعال ايجابيه....يمكن مش بتشوفوها....البسوا معاى نضارة. . ..بالاشعه الفوق المعنويه ...واتفرجوا معايه

نظره جديده

طب قولوا انتم...بلاش أنا
بابا و ماما
طول النهار قدامكم...صح؟؟....فاكرين يوم ما بابا اتأخر...لما كان مسافر ....ماما وقفت ازاى تستناه...رايحه جايه. ...بصيتوا لوشها....شفتوا الخوف. ..والقلق...والفزع...سمعتوا دقات قلبها و هى خايفه.....
ما هو ده الحب....انك تخاف على حبيبك من الخطر..

شفتوا بابا و هو شايل شنطة سفر...ومعاد الطياره بعد ساعه.. .وقلبه بيتقطع و هو بيبوس راس ماما.....وبيمشى و دموعه بتجرى على خده (أول مره تشوف بابا بيعيط)
ما هو ده الحب......انك تكره فراق حبيبك

فاكر لما ماما كانت عيانه....وحرارتها عاليه. ...وبابا واقف فى المطبخ بيعمل الاكل بدالها...وهو راسم على وشه بسمه....بسمة حنان و عطف عليكم...بس مخنوقه...مخنوقه بألم...
ما هو ده الحب برده...انك تتألم لألم الحبيب

شفتى بابا لما مر بظروف صعبه...أد ايه كانت ماما واقفه معاه....واستحملت حاجات كتير...ما هو ده الحب برده...على الحلوه و المره

فاكر لما ماما فضلت واقفه تصحى بابا علشان صلاة الفجر. ...وراسها كانت بتقع....وفضلت لحد ما قام و صلى ....ما هو ده برده الحب.....انك تخاف على حبيبك من نار جهنم((مش تكون سبب فى دخوله نار جهنم... ..))

يبقى الحب...حنان...وموده...ورحمه....موجود جوانا فعلا...مش محتاج أغانى و هباب و فيديو كلاب...حا يطلع حا يطلع. ..
بس لما نسمع كلنا الاأذان

النور
يا سلام....حاجه حلوه انك تعمل حاجه فى النور.
...قدام كل الناس...من غير ما تستخبى
أصلك عارف انك صح...وانت عارفه انك مش بتعملى حاجه غلط.....
أمال مين بيستخبى..((الحرامى ))اللى بيسرق حاجه مش من حقه....
وخايف لأنه غلط فى غلط....حتى أحلامه غلط.....فبيخجل يحكيها
طب....ربنا يعلم ما فى الصدور.......
يا ترى جوه صدرك....ظلام... .واللا نور؟؟
يا رب يبقى نور فى نور
ألا بذكر الله تطمئن القلوب

(أوهـــــــــــام الحــــب الأول) 5

يعنى أحبس نفسى و أعيش فى تلاجه!!

ما هو الظروف معروفه....ولسه مشوارى طويييييل.
...ولسه على ما أكون نفسى..طب أعمل ايه فى نفسى.....يعنى أعيش فى تلاجه!!
حتى لو حاولت....مش حا أقدر أبقى على طول فى التلاجه
أيوه...عارفه ان المشوار طويل...ويمكن لو عجبتك ((ستوته )) تتخطب و تتجوز و تخلف و انت لسه بتكون نفسك..
يبقى انت فى الحاله دى خسرتها....وخسرت أحلى سنين عمرك لأنك ضيعتها فى أحلام سلبيه...ولا بتودى و لا بتجيب...
قصدى بتجيب سيئات بس ...وبتدبح القلب لما تحس انك خسرت المعركه اللى كنت شايف انها معركة حياه أو موت لقلبك الرقيق.....وبيفضل قلبك مجروح.. .ولو مريت فى حياتك مع زوجتك فى المستقبل بأى مشاكل حا تلاقى شماعه كبيره
انتاج مصانع ((وساويس الشيطان)) ...تعلق عليها كل حاجه
أصلها مش فتاة أحلامى
أصلها مش حبى الاول
وبالمفتاح الكبير بتاع شيطون بيفتح لك الباب الاسود
(((((لو))))))) لو كنت اتجوزت ستوته كنت حا أبقى أسعد
كانت حا تفهمنى
كانت حا تسعدنى
أصله شاف الزواق اللى من بره بس....واللا صحيح...ممكن يكون ما اتكلمش معاها أصلا..ولا عرف شخصيتها.....((معلش أصلى نسيت ان المخرج شيطون طبع الصوره و كمل باقى مسلسل الوهم من عنده))
ودى النهايه يا أصدقائى
بقى حزين... .بعد ما كانت بداية الرحله...قلب بيرقص....ودنيا ايه....فاكرين
وردى...وردى...وردى...

قصدى
بمبى..بمبى..بمبى بمبى
عارفه ان ستوته فيها مميزات كانت عاجباه. ...لكن كل انسان فيه مميزات. ..وعيوب. ...والحب هو نجاح التفاعل الكيميائى بين مكونات الزوج و مكونات الزوجه...مهما كانت المكونات دى....مش شرط تركيبه معينه....
لأن الموده و الرحمه...هى السبب الاساسى فى نجاح التفاعل

خلى عندك بعد نظر

حافظ على قلبك
حافظى على قلبك
ده ما فيش زيه...اوعى حد يكسره...واوعى انت تكون اللى كسرته ...((الله يسامحك))
رفقا..رفقا....حاول تساعده علشان يفضل خام ...وجميل
بطل تشم روائح كذابه...غض بصرك ....وافتكر دايما شكل الحور العين((يا ترى قريت عنهم. .))
وطول ما انت صايم عن المعاصى. ...حا يفضل قلبك سليم...ولما يأذن الله بالحب حا يكون طعمه جميل
وساعتها حا نقول كلنا((صوما مقبولا وافطارا شهيا ))
فكرفى بكره....هنا....وفى الاخره
ما تخليش منظارك أعمى....بيشوف بس تحت رجليه
اللهم آتنا فى الدنيا حسنه و فى الاخرة حسنه
وقنا عذاب النـــــــار

موضوع جميل ياعمرو
بس طويل شويه
بس على فكره انا فرحان فى حنفى
لانه هو اللى عمل كده فى نفسه
ولانه أكيد كان عارف
ان الحب بهدله
لا لا لا لا لالحب الايام ده
على فكره انا عرفت حاجه جديده
الموضه هذه السنه
هو
الحب
واللى مش هيكون على علاقة حب مع أتنين على الاقل
مش هيبقا شاب قول خالص
بس على فكره انا من مصلحتى ان الناس تحب
أصلى لازم يلبسوا باديهات وبناطيل تسقيط
وكمان مكا لمات
الحمد لله وربنا يحبب الناس فى بعضهم
فهمنى
شكرا لك

والله انا احترت فى امرك يا اخ عمرو
ياريت تثبت على قرار شويه الاقيك تدافع عن الحب بانواعه
وشويه الاقيك بتقول او مواضيعك بتعبر انك ضد الحب
يا اخى اثبت على راى هل انت مع ؟؟؟؟؟؟؟؟؟؟؟ ولا ضد ؟؟؟؟؟؟؟؟؟؟ ولا فى حاجه ثلاثه؟
انا عارف انك هترد وتقولى انا مع الحب الى بتاع ماما وبابا
وضد الحب الى الشاب بيعملوه دلوقتى اكيد هيكون ده ردك
امال ليه بقى كتبلى شعر عن حب الشباب ودائما بدافع عنهم
ايه الى حصل واتذكر انت لسه منزل موضوع برده انك معترض على الحب
ايه الى حصل؟؟؟؟؟؟؟؟؟؟؟؟؟؟؟؟؟؟؟؟
لا اله الا الله
الفرعون العاشق

السلام عليكم
اولا موضوع جميل منك يا اخ عمرو وهو موضوع مهم جدا سواء الحب الاول اوالتاني لاني عن رايي
الشخصي مفيش حاجه اسمها حب بالنسبه لي بيحصل الايام دي هو زي ما قولت اسمه وهم اوكلام فاضي كله شاب عاوز يعيش نفسه
في قصه علشان ينسي شويه هموم المذاكره والامتحانات وغيره و في الوقت اللي احنا فيه بقي منظره
كل شاب اوفتاه عاوزين يتمنظروا قدام اصحابهم دا البنت بتاعتي قالتلي والتاني يقوله دا انا وقعت في
واحده علي النت ورايح اقابلها بكره وهكذا بس انا بنصح جميع الشباب انهم ميشغلوش بالهم بالموضوع ده
لانه بياثر علي حياه الشاب تاثير كلي واكيد الواحد مننا في يوم من الايام مش هياخد غير اللي ربنا كتبهوله
اما بالنسبه للكلام اللي قاله الفرعون العاشق كلام منطقي لانك يا اخ عمرو كل موضوعاتك وكل اشعارك تؤيد الحب
لكن الموضوع ده منافي للكلام ده كله فنرجو الافاده هل انت مع الحب ولا لاوشكراااااااا

شكرا لكل من ساهم فى الموضوع
بالنسبة لتعليقى على الموضوع وبأختصار
انا مع الحب ولا لاء
بصراحة انا مقدرش أعيش من غير حب,
وانا مع الحب بكل انواعه
وده شىء يسعدنى
اما أسلوبى ومقتبساتى فهى مقالات تعجبنى , أخذ منها سطور وارمى واراء ظهرى سطور اخرى ولا ألتفت أليها
وأوقات اخرى بشوف مواضيع شيقة بالنسبة لمتابع ما , فـــا أقوم بوضع الموضوع بين يدية لكى يستمتع هو الاخر

كدة ما فيش حيـــــــــ Exclamation

ــــــــــــــرة

يا عمرو ::::
كلامك زعلنى اوى
كيف يا اخى لا تستطيع ان تعيش بدون حب ؟؟؟؟؟؟؟؟ ما علينا انا مليش دعوه
لكن ما دام انت لا تسطتيع انا تعيش بدون الحب جيبلنا ليه مواضيع تكرهنا فى الحب او بمعنى ادق ضد الحب
ارجو ان تسير فى اتجاااااااااااااه واحد
وقبل اما تضع موضوع اكيد بتبقى عارف هو ضد ولا مع الحب
اذاااااا فضع المواضيع التى تتلائم مع شخصيتك
وعلى العموم شكرا ليك
الفرعون العاشق

الحب الحب الحب
الحب الحقيقى هو اللى حلى مرار الايام
ياسلام على الكلام

روميو كتب:: الحب الحب الحب
الحب الحقيقى هو اللى حلى مرار الايام
ياسلام على الكلام

شكرا لك

الحب اسمى معانى الحياة

سواء بقى الاول ولى التانى ولى حتى الاخير

الانسان بدون حب مثل النبات بدون ماء

لو هتكلم عن الحب مش هيكفنى صفحات ولى سطور العالم باكملة

الحب دة شىء عظيم شىء جميل شىء حلو

بيدى النسان امل فى الحياه

شكرا لك تقبل مرورى

nonna كتب:: الحب اسمى معانى الحياة

سواء بقى الاول ولى التانى ولى حتى الاخير

الانسان بدون حب مثل النبات بدون ماء

لو هتكلم عن الحب مش هيكفنى صفحات ولى سطور العالم باكملة

الحب دة شىء عظيم شىء جميل شىء حلو

بيدى النسان امل فى الحياه

شكرا لك تقبل مرورى

الحمد لله
فى ناس عرفت قيمتك يا حب
شكرا لكى
تحياتى

» ما هو اهتمامك الأول ؟؟
» في مثل هذا اليوم الأول من أغسطس
» نوادر ابتهالات الرعيل الأول
» دار الافتاء: الاثنين هو الأول من شهر رمضان
» مجلة شباب برشوم { العدد الأول }