عادل امام يعتنق الديانة المسيحية؟؟؟؟؟؟؟؟

..

شاهدوا هذه الصور للفنان المصري عادل امام وهو يرتدي سلسلة الصليب، برأيكم لماذا يضع عادل امام الصليب ويتوسط الرهبان؟

وهل يجوز لمثل هذا الفنان .. الذي يرسل رسالتة عن طريق الفن

ان يقوم بمثل هذا العمل

نقطة هامة .. للرد في هذا الموضوع

اخواني انا عارف ان ده تمثيل
والسؤال .... هل يجوز للمسلم لبس الصليب حتي لو تمثيل ؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم

اولا ده شى عادى على عادل امام فهو فعل اكثر من ذلك

ثانيا فن ايه الى قدمه عادل امام يبعث به رساله اقصدك افلامه مع يسرا

ايه ياعم محمود ده كلام عموما شكرا لمجهودك

والسلام ختام

اقتباس :

وعموما لا التمثيل رسالة ولا فن

لاااا...... رساله ...ورساله اقوى من مقاله فى جريده
او جمله ف كتاب

لو دخلت على اسره وهيا بتتفرج على مسلسل او فيلم
بتلاقى صمت رهيب ....وتركيز مالوش مثيل ف احداث الفيلم او المسلسل
وكل واحد منهم بيفكر ف الفيلم ويفسره من وجهة نظره الخاصه
وبتظل شخصيات العمل الفنى عالقه فى ذهن الجمهور ..وبيقتدوا بيهم ..
تلقائيا من غير ما يحسوا
وتلاقيهم بقوا يستخدموا الفاظ الشخصيات دى ..وحركاتهم ..وكل تفصيله حتى ف طريقه الكلام ..
اكبر دليل ..اللمبى


الصورة الذهنيه السيئه اللى واخدينها الغرب عننا كمسلمين
متاخده عن افلام ومسلسلات
اتجسد فيها العرب المسلمين
بانهم ناس جهله متوحشين
بيعشقوا اراقه الدم ..ارهابين ..
عايشين فى قبائل وخيم
الواحد لازم يبقا متجوز اربعه
والمراه يا اما مظلومة ومغلوبه على امرها
يا اما جاريه او راقصه
ودا اخدوه من فيلم تقريبا كان عن حكايات الف ليله وليله وكانت فيه نساء راقصات كتيييير
فبالتالى اصبحوا النساء الراقصات هم دول نساء العرب بالنسبه ليهم ...


حاجة كماااان ...
اسرائيل و امريكا عملوا افلام صرفوا عليها مبالغ ضخمة وكانت معظمها عن الحرائق
اللى اتعرض ليها اليهود ايام هتلر وعلى راسهم الهولو كوست ..
واد ايه اتظلموا وعانو عشان يرجعوا اراضيهم
وانهم شعب الله المختار ..
اطردوا من ارضهم اورشليم بس راجعين يدافعوا عنها ..وعن حقهم فيها
وتاثير الافلام دى كان تعاطف العالم معاهم ..واننا احنا الظلمة وهما اللى مظلومين
وانو فلسطين حقهم واحنا اللى اخدناه منهم
يعنى انقلبت الموازين راسا على عقب....
وبان الظلم مظلوم ...والمظلوم ظالم





اللى عايزة اقولــــــــــــــــه ..انو التمثيل رساله تاثيرها ممكن يغير فكر الشعوب
مش حاجة بسيطة او سهله ابدااااااااااااااااااااا...
ولكن
لو استخدمت صح ...من غير ما يحصل فيها حاجة تغضب ربنا
والشاطر اللى يحقق المعادله


سلام الله عليكم

اقتباس :

لاااا...... رساله ...ورساله اقوى من مقاله فى جريده
او جمله ف كتاب

تمام .... بس تعالى وخلينا واقعيين اين هذة الرسالة الان واين ما يقدمة الفن من رسالات ان اغلب ما يعرض تدمير للشباب والفتيات تحريض لكل شاب ان ينطلق باسم الحرية ....دعوة للفتيات بالتبرج والسفور ...اى رسالة هذة ونحن نرى المسلسلات يحدث فيها اشياء غريبة
مثلا ممثل كبير يقوم باحتضان فتاة ولو حد اعترض يقولك اصلها بنتة ...بنته؟؟؟؟؟ ااااااااااة ...فين يقولك فى التمثلية
هى دى الرسالة وغيرة حاجات كتير انا ذكرت ابسط مايحدث التمثيل حاليا مش رسالة دة خراب وتدمير لافراد الشعب شباب ... فتيان .. حتى الكبار ... ودى بالطبع سياسة امريكية وللاسف عرفوا يضحكوا علينا ونجحت سياستهم وتم تدمير العقول بنسبة كبيرة بسبب تعلقنا بالمسلسلات وتركيزنا اوى معاها ومتابعتها ومحاولة ان نترجم ما نسمعة فى واقعنا وكل وواحد او واحدة يحاولوا
يقلدوا ....وااااااااااااااااااااااااااااااسفاة................

اقتباس :

لو دخلت على اسره وهيا بتتفرج على مسلسل او فيلم
بتلاقى صمت رهيب ....وتركيز مالوش مثيل ف احداث الفيلم او المسلسل
وكل واحد منهم بيفكر ف الفيلم ويفسره من وجهة نظره الخاصه
وبتظل شخصيات العمل الفنى عالقه فى ذهن الجمهور ..وبيقتدوا بيهم ..
تلقائيا من غير ما يحسوا
وتلاقيهم بقوا يستخدموا الفاظ الشخصيات دى ..وحركاتهم ..وكل تفصيله حتى ف طريقه الكلام ..

طب اية رأيك بدل منضيع وقت فى مشاهدة فيلم تافة او مسلسل بيضحكوا بية علينا بة من المناظر والقصص ما لاترضى الله ولا رسولة ان نستغل هذا الوقت فيما يفيدنا ويحعلنا نستطيع مواكبة من يحاولون تدميرنا بمثل هذة المسلسلات او الافلام
اما عن الاسرة اللى مندمجة اوى ولما يحدث موقف تلائى اللى بيعيط ومتأثر دول اسرة لم تعرف معنى الدين الاسلامى طب ميجتمعوا على قراءة القران بدل الاجتماع على مسلسل

اقتباس :

اكبر دليل ..اللمبى

دة مش اكبر دليل دى المصيبة الكبرى اللى بنشاهدها كل يوم مع الاطفال والكبار
مش لاءى كلام اقولة غير ربنا يهدى المسلمين ويعودوا الى رشدهم

فى النهاية اوجة نداء للجميع أين تلك الرسالة التى يؤديها الفن زواج فى المسلسلات ويقولون تمثيل ... مناظر اباحية ويقولون دة فن ؟؟؟؟
توجية فكر الشباب الى اشياء خاطئة وتفتيح عقول كل من الشباب والفتيات الى اشياء هم فى غفلة عنها
ايها الاخوة والاحباب ان التمثيل فى عصرنا هذا ما هو الا تدمير بكل المعانى والمقاييس ومن يرى غير ذلك فليكتب وليوضح

اللهم اهدى شباب المسلمين وفتياتهم الى ما فية الخير والصلاح للاسلام والمسلمين

تحياااااااااااااااااتى لكم واسف للاطالة وفقكم الله

اقتباس :

اللى عايزة اقولــــــــــــــــه ..انو التمثيل رساله تاثيرها ممكن يغير فكر الشعوب
مش حاجة بسيطة او سهله ابدااااااااااااااااااااا...
ولكن
لو استخدمت صح ...من غير ما يحصل فيها حاجة تغضب ربنا
والشاطر اللى يحقق المعادله

انا عجبتنى جدااااااااااا المقوله دى

واظن انها مفهومه


شكرا اخ محمود على الموضوع

واحتمال ادخل واشارك مشاركه اخرى

..

وسلام الله عليكم ورحمته وبركاته

اسلامى في امريكا واصر على ان يقوم بغسل وتكفين ابوة بنفسة وامنا للصلاة عليه.

واذا مشى الدكتور سامى واشرف عبد الباقى اخوة الاصغر فى الشارع فمن يعرف الناس..........وعجبى

زي اشرف

وشكرااااااااااااا

بسم الله الرحمن الرحيم

لازم نتفق اولا على قاعده ... هيتبنى عليها كل كلامى

وهيا




(ألأصل فى الأشياء الإباحة ) مالم يرد نص بتحريمه

يعنى اى حاجه حلال .. ما دام مفيش نص صريح بالتحريم

يعنى التلفاز فيه حلال وحرام

والفن فيه حلال وحرام

وكرة القدم فيها حلال وحرام

الشخص نفسه بيتحاسب على افعاله وعلى حسب نيته

احنا كبشر .. منقدرش نحكم على النيه

..

الكلام اللى فات ده متفق معايا فيه ؟؟

..

قول اه .. خلينا اكمل
..

تمام

نرجع لموضوع الفن هل ممكن يكون له رساله ولا .... لأ

وهل كرة القدم ممكن تكون لها رساله .. ولا ... لأ

انا هبدا بكرة القدم لان .. متواجد فيها صوره ملموسه .. للاعب بيؤدى رساله جميله جدااااااااا

وهو اللاعب الخلوق / محمد ابو تريكه

راجل ملتزم .. ومتدين .. ولاعب مميز .. وفى نفس الوقت قدوه يحتزى بيها ... ومع كل الصفات دى بيؤدى رساله نبيله

واكيد اخرها .. رفعه للتيشيرت .. ليظهر للعالم كله تعاطفنا مع .. غزه

وهنا فيه سؤال ... لو محمد ابو تريكه مارفعش التيشيرت .. ليظهر اننا متعاطفين مع غزه .. ازاى الغرب كانوا هيعرفوا ده ؟

ولا هما بيصلوا ولا اصلا مسلمين

لكن لان فيه نجم لامع زى ابو تريكه .. عليه الاضواء ...يقدر من خلال نجوميته يقدم الرساله

هتقولى .. بس انت قولت على لاعب واحد بس فى كرة القدم

عندك حق .. ويمكن الوحيد .. اللى لعب كرة قدم فى مصر .. وبيحاول يؤدى رساله من خلال شهرته

يااااااااااه يعنى واحد بس وسط ملايين

اه فعلا .. لان الشروط كتيره اوى .. ونادر لما تتوفر فى واحد

منها .. الموهبه .. حب الناس له .. تدينه .. .. والشهره ... ويكون عنده الرغبه انه يؤدى الرساله( وده الاهم)

..

طيب نروح للفن شويه

مش هنلاقى ولا فنان من الفنانين .. بيؤدوا رساله تفيد

بالعكس دول فعلا .. بيهدموا .. مش بيبنوا

مع ان الفن له تاثير كبير على اغلب الناس


لان بفيه ناس بيكونوا وصلوا لمرحله

لا بيصلوا ولا بيصوموا .. ولا بيعملوا حاجه غير انهم بيتفرجوا على المسلسلات والافلام

طيب منهديهم من خلال الاشياء المقربه اليهم

يعنى لو هما بيتفرجوا على الافلام

نعمل الرساله اللى عاوزين نوصل هلهم فى الفيلم

وبالتدريخ يدخلوا المسجد

وهنا يجى دور الخطيب .. انه يرشدهم الى ما فيه خير لهم

يعنى ممكن الفن يكون له رساله ودور مهم ... وده اللى انا عاوز من الصبح اقوله


يعنى خلاصة الكلام

ان كل واحد ممكن يؤدى دوره من خلال عمله

حتى ولو دور بسيط

وحتى لو نسبة اللى ممكن يؤدى الدور ده واحد فى المليون

ده اللى كنت عاوز اقوله

فى موضوع الفن والفنانين


شكرا اخى محمود

واسف على الاطاله

وسلام الله عليكم ورحمته وبركاته