اختار نصيحتك بنفسك

بصوا هوا الموضوع انو فى 25 نصيحة هنااااا...
فانت المطلوب منك ايه ؟؟
انك تختار رقـــم مــن (1) الــى (25) قبـــل ما تقرا النصايح


وبعـــدين انــزل شــوف الرقــم ده فيــه انهو نصيحة
واكتبلنـآ بقـآ رأيك في النصيحـــة الى طلعتلـــك
ولــو فعــلا في مــوقف حصلــك زيهـآآ او هــى بتمثلــك حاجة ...
وما تنساش تقولنا اشمعنا اخترت الرقم دااا































1- أن تضيء شمعة صغيرة خير لك من أن تنفق عمرك تلعن الظلام ..

2- لا يحزنك إنك فشلت مادمت تحاول الوقوف على قدميك من جديد ..

3- كلما ازدادت ثقافة المرء ازداد بؤسه ..

4- سأل الممكن ... المستحيل :
أين تقيم ؟ فأجابه في أحلام العاجز .
.
5- إن بيتا يخلو من كتاب هو بيت بلا روح ..

6- ليس القوي من يكسب الحرب دائما وإنما الضعيف من يخسر السلام دائما ..

7- الألقاب ليست سوى وسام للحمقى والرجال العظام ليسوا بحاجة لغير اسمهم ..

8- من يحب الشجرة يحب أغصانها ..

9- نحن لا نحصل على السلام بالحرب وإنما بالتفاهم ..

10-إذا اختفى العدل من الأرض لم يعد لوجود الإنسان قيمة ..

11- ليست السعادة في أن تعمل دائما ماتريد بل في أن تريد ما تعمله ..

12- إن أسوأ ما يصيب الإنسان أن يكون بلا عمل أو حب ..

13- الحياء جمال في المرأة وفضيلة في الرجل ..

14- صديقك من يصارحك بأخطائك لا من يجملها ليكسب رضاءك ..

15-الصداقة بئر يزداد عمقا كلما أخذت منه ..

16- الابتسامة كلمة طيبة بغير حروف ..

17- لا تفكر في المفقود حتى لا تفقد الموجود ..

18- من قنع من الدنيا باليسير هان عليه كل عسير ..

19- الكلمة الطيبة جواز مرور إلى كل القلوب ..

20- إذا ازداد الغرور .. نقص السرور ..

21- الضمير المطمئن خير وسادة للراحة ..

22- من يزرع المعروف يحصد الشكر ..

23- البستان الجميل لا يخلو من الأفاعي ..

24-العمر هو الشئ الوحيد الذي كلما زاد نقص ..

25- القلوب أوعية والشفاه أقفالها والألسن مفاتيحها فليحفظ كل إنسان مفتاح سره ..



يالااااااااااااااااااااااا .
نبدأ
سلام الله عليكم

اقتباس :

ثانيا بالنسبه لاختيار الرقم فأنا اخترت رقم (7) والسبب انه يوم ميلادى

اممممم ..ناس كتير بتحب رقم 7 ...

اقتباس :

7- الألقاب ليست سوى وسام للحمقى والرجال العظام ليسوا بحاجة لغير اسمهم ..
والحمد الله نصيحه رائعه لانه بالفعل الانسان ليس باسمه ولا لقبه وانما قيمة الانسان تتمثل فى حاجات كثيره منها وعلمه واحترامه وخلقه ومعاملته للاخرين وحسن التصرف وفالانسان قيمته من قيمة نفسه وليست بقيمة عائلته
واخيرا شكرا لكى على الموضوع اللذيذ وتقبلى تحياتى ومرورى

اه بيبان اوى ف الناس الذين بيطلقوا عليهم لفظ فنانين
ازاى يقولوا على فلانه النجمة الامعة
ويقولوا عليها هيا النجمه بس
ولا حتى ازاى يقولوا اسمها بس
من غير بيض نجوم
لاء ازاى ..لازم يقولو النجمة المتالقه الجامده اللى مكسرة الدنيا
اللى مافيش زيها ..وعقبال ما ينتهوا من القاب جنابها يكون الناس زهقت

صدقت العباره ..

اقتباس :

الألقاب ليست سوى وسام للحمقى والرجال العظام ليسوا بحاجة لغير اسمهم

ميرسى كتيــــــــــــــــــــــــــر لرد حضرتك الذى اوافقك الراى فيه...

سلام الله عليكم

دى كانت النصيحة

اقتباس :

11- ليست السعادة في أن تعمل دائما ماتريد بل في أن تريد ما تعمله ..

الواحد دايما ناجح ف اللى بيعمله طالما بيحبه ....ومن ثم بيعوز يعمله على احسن صورة

herox كتب:

انا مان رقم 11
لان بحب الواحيد جدا ورقم 11 مش واح بس دول اتنين
وكانت نصيحة جامدة
وجميلة
بس هو ممكن اختار تاني
عايز نصايح اكتر

اه طبعااا ممكن ..اختار اللى الرقم اللى انت عايزة
يا سلااااااااااااااام ...



سلام الله عليكم

اقتباس :

بصوا هوا الموضوع انو فى 25 نصيحة هنااااا...
فانت المطلوب منك ايه ؟؟
انك تختار رقـــم مــن (1) الــى (25) قبـــل ما تقرا النصايح


وبعـــدين انــزل شــوف الرقــم ده فيــه انهو نصيحة
واكتبلنـآ بقـآ رأيك في النصيحـــة الى طلعتلـــك
ولــو فعــلا في مــوقف حصلــك زيهـآآ او هــى بتمثلــك حاجة ...
وما تنساش تقولنا اشمعنا اخترت الرقم دااا

تمام اخترت رقم تسعه (9)



والرقم ده بعتز بيه الى ابعد الحدود



انا مواليد شهر 9



يوم 9



ولاعبى المفضل ( العنيد / حسام حسن ) هو رقم 9



وحجات كتير تانيه .....

اقتباس :

9- نحن لا نحصل على السلام بالحرب وإنما بالتفاهم ..

مقوله جميله جداااااااااا فوق الوصف



نحن لا نحصل على السلام بالحرب وانما بالتفاهم







والموضوع كله جميل



..



شكرا على الموضوع



وسلام الله عليكم ورحمة الله وبركاته

abohabib كتب:

الغريب أنني أحب الرقمين 6 , 9
رقم ستة لأنني السادس في الترتيب بين إخوتي
ورقم 9 كنت أحب ارتدؤه و أنا ألعب الكرة
والغريب أن الرقمين متشابهان
6- ليس القوي من يكسب الحرب دائما وإنما الضعيف من يخسر السلام دائما ..

أما رقم تسعة9
9- نحن لا نحصل على السلام بالحرب وإنما بالتفاهم ..
الغريب أن الرقمين يتحدثان عن الحرب والسلام

وفقكم الله والسلام عليكم

فعلا حاجة غريبه انو الرقمين المفضلين بيتكلموا عن نفس الموضوع
مش عارفه
بس....

عموما ميرسى على الرد

سلام الله عليكم

اقتباس :

1- أن تضيء شمعة صغيرة خير لك من أن تنفق عمرك تلعن الظلام ..

بحب رقم 1 اوي

اقتباس :

21- الضمير المطمئن خير وسادة للراحة

ورقم 21 كمان

اصلي بحب الارقام الفرديه شويه

رقم (1)

يمكن علشان انا من مواليد شهر واحد لا وكمان يوم واحد

ويمكن كمان لاني الابنه الاولي في اسرتي

ويمكن لان رقم 1 رقم معتز بنفسه

ويمكن كمان لاني بعتز بوحدتي وانطوائي في بعض الاحيان

لدرجه اني بحس اني انا و الــ1 شبه بعض قوي

اتجننت مش كده

طيب عديها

(21) بقي

فدي له حكايه تانيه خالص

من صغري وانا حلم حياتي اني اعمل بطاقه شخصيه

وكنت متصوره ان البطاقه بتتعمل في سن 21 سنه

فكنت دائما بتمني يبقي عندي 21 سنه

دي بقي هبل

المهم

عجبتني قوي الحكمه الاولي

ومقتنحع تماما بالمقوله التانيه

جوجيتا

موضوعك جميل جدا ...كالعاده

شكرا لكي

شكرا gogeeeeta على الموضوع لجميل ده

اقتباس :

اقتباس :

7- الألقاب ليست سوى وسام للحمقى والرجال العظام ليسوا بحاجة لغير اسمهم ..

شكرا على الموضوع الرئــــــــــــع والذى نأخذ منه الحكمة

amr
ميرسى كتييير على ردك
ان شاء الله النصيحة تكون مفيده

سلام الله عليكم

غلام الاسلام كتب:

بعد اذنك اولا هختار رقمين



7 لانه رقمى المفضل والمحبوب جدا جدا

اقتباس :

7- الألقاب ليست سوى وسام للحمقى والرجال العظام ليسوا بحاجة لغير اسمهم ..

وجميلة جدا جدا النصيحة دى



والرقم الثانى 14 لانه افضل لاعب مهارى فى العالم مرتين حازم امام

اقتباس :

14- صديقك من يصارحك بأخطائك لا من يجملها ليكسب رضاءك ..

وبصراحة نصيحة اجمل بكثير



شكرا gogeeeeta على الموضوع لجميل ده

النصيحة التانيه بتاعه حازم حلوة اوى
الحمد لله صديقتى مش بس بتصارحنى باخطائى
دا بيبقا ناااقص .......ولا بلاش





غلام الاسلام
ميرسى على وجودك ف الموضوع

سلام الله عليكم

فارس الرومانسيه كتب:

انا بقي ها ختار
15
الصداقة بئر يزداد عمقا كلما أخذت منه
كلمات معنا ها مش محتا ج شرح من اي انسان
والرقم ده هو المفضل عندي بعد 5

فارس الرومانسيه
ميرسى على ردك ف الموضوع
و بالتوفيق ف المنتدى



سلام الله عليكم

ابن البلد كتب:

انا اختار رقم 2 لانى انا شايف انه يناسبنى

اه ...رقم اتنين اللى هيا كانت دى
2- لا يحزنك إنك فشلت مادمت تحاول الوقوف على قدميك من جديد ..

صح جدااااا

اقتباس :

وانا احاول ان اعمل بهذه النصيحه الغاليه

وياريت تدعو لى
ويارب يوفق الجميع

سلام الله عليكم

حديث الروح كتب:

13- الحياء جمال في المرأة وفضيلة في الرجل

10+3=13

موضوع جميل

حسين

رقم 13..ناس كتير مش بيحبوا الرقم داا

..ضد التيار

بس اكيد المعادله (10+3 =13 )ليها معنى بعيدا عن الرقم وكونه فيه تفاؤل او تشاؤم



ميرسى على ردك حديث الروح

سلام الله عليكم

فارس الرومانسيه كتب:

استفسار ممكن الواحد يختار مره كمان
ارجوا الرد
فارس الرومانسيه

طبعاااااا طبعااااا ...

بس ما تنساش تقول سبب اختيار الرقم

سلام الله عليكم

ابن البلد

و
فارس الرومانسيه


البيت بيتك
(و ضاااااع حلم عمره اسبوع )


دماغى عليت شكلها




طيب ...ميرسى يا جماعة على مشاركاتكو تانى
يارب النصايح تفيدكو

سلام الله عليكم

احب اشكرك جوجيتا ع الموضوع
اما بالنسبه للنصيحه اللى طلعتلى هى
12- إن أسوأ ما يصيب الإنسان أن يكون بلا عمل أو حب ..
[ندعوك للتسجيل في المنتدى أو التعريف بنفسك لمعاينة هذه الصورة]الحمد لله على كل حال

soft light كتب:

اختار رقم 11 لان الصداقه الحقيقيه هى من اجمل الاشياء

دى كانت رقم 11..

ليست السعادة في أن تعمل دائما ماتريد بل في أن تريد ما تعمله ــ 11


انتى غالبا تقصدى النصيحة 15 بتاعه الصداقه

15 ـ الصداقة بئر يزداد عمقا كلما أخذت منه ..

الحمــــــــــد لله
بتمنالك تلاقى الاتنين يا قوت

سلام الله عليكى

اقتباس :

بس انا بعلق علي النصيحه رقم 12

اه دى اللى كانت .....
12- إن أسوأ ما يصيب الإنسان أن يكون بلا عمل أو حب ..


دى بردو نفس النصيحة اللى لسه معلقه عليها قوت
مممممممممممممممم

اقتباس :

اوك انا متفق في ان الانسان بدون عمل ده شئ صعب لان العمل هو اللي بيحقق الذات بس في الحب من وجه نظري انه شئ جميل بس عدم وجوده لايسيئ للانسان بشئ لطالما انه مالقاش الشئ اوالشخص اللي يستحق الحب ده فعادي يعني

خلينا نقول النصيحة بشكل تانى عشان تدى نفس المعنى
ونخليها انو حياة الانسان مع وجود الحب والعمل ..اكيد هتبقا احلى منها لو الاتنين دول مش موجودين
وشور انا متفقه معاك ف رايك



ثانكس على ردك



سلام الله عليكم

red revolution كتب:

انا فيه عدة نصائح عجبتنى منها رقم 8 لانه رقم الزعيم ورقم 22 لانه رقم الاسطورة

بعيدااااا عن الارقام اللى هيا بااين و الله اعلم انها ارقام لاعيبه كورة
يا سلام ع الذكاااااااااااء


بس ميرسى على مشاركتك
ويارب تكون النصايح فادتك

سلام الله عليكم