منتدى شباب كفر الجمال

مرحبا بك أيها الزائر الكريم ...أبو حبيب يرحب بك في منتدى شباب كفر الجمال...
و يشرفنا أن تقوم بالتسجيل لتتمكن من الاطلاع على جميع أقسام المنتدى....

منتدى شباب كفر الجمال

مرحبا بك أيها الزائر الكريم ...أبو حبيب يرحب بك في منتدى شباب كفر الجمال...
و يشرفنا أن تقوم بالتسجيل لتتمكن من الاطلاع على جميع أقسام المنتدى....

منتدى شباب كفر الجمال

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شباب كفر الجمال

منتدى شباب كفر الجمال

الرئيسية

البوابة

أحدث الصور

التسجيل

دخول

‏1000 × 13= ‏صفر Animal11

‏1000 × 13= ‏صفر 09910

‏1000 × 13= ‏صفر 1611

‏1000 × 13= ‏صفر T

‏1000 × 13= ‏صفر E

‏1000 × 13= ‏صفر N

‏1000 × 13= ‏صفر Empty

‏1000 × 13= ‏صفر L

‏1000 × 13= ‏صفر A

‏1000 × 13= ‏صفر M

‏1000 × 13= ‏صفر E

‏1000 × 13= ‏صفر G

‏1000 × 13= ‏صفر L

‏1000 × 13= ‏صفر E

‏1000 × 13= ‏صفر Empty

‏1000 × 13= ‏صفر W

‏1000 × 13= ‏صفر W

‏1000 × 13= ‏صفر W

‏1000 × 13= ‏صفر 1611

الآن وبعون الله تعالى المنتدى على سيرفر جديد www.elgemal.net

منتدى شباب كفر الجمال :: المنتدى الثقافي و الترفيهي :: منتدى القصة والرواية

‏1000 × 13= ‏صفر

اذهب الى الأسفل

4 مشترك

كاتب الموضوع

رسالة

amr
عضو محترف

عدد الرسائل : 1137
العمر : 43
نقاط : 0
تاريخ التسجيل : 24/10/2007

‏1000 × 13= ‏صفر Empty

موضوع: ‏1000 × 13= ‏صفر الثلاثاء 4 مارس - 2:11:50

ح‏ ‏احكي‏ ‏لك‏ ‏حكاية‏ ‏غريبة‏ ‏جدا كان‏ ‏فيه‏ ‏واحد‏ ‏اسمه‏ ‏رقم‏ . ‏اسمه‏ 13000, ‏بالحروف‏ ‏ثلاثة‏ ‏عشر‏ ‏ألفا‏, ‏بالبلدي‏ ‏تلاتاشر‏ ‏ألف‏.‏ ليه‏ ‏اسمه‏ ‏رقم‏, ‏وماهوش‏ ‏اسم‏ ‏عادي‏ ‏زينا‏ (‏محمد‏, ‏احمد‏, ‏مصطفي‏ ‏إلخ‏ ‏إلخ‏)‏؟ اقول‏ ‏لك‏ ‏انا‏ ‏ليه؟ الأستاذ‏ ‏الدكتور‏ ‏تلاتاشر‏ ‏ألف‏ ‏ـ‏ ‏وكانوا‏ ‏بيدلعوه‏ ‏تلاتاشر‏ ‏ـ‏ ‏كان‏ ‏أهله‏ ‏ساكنين‏ ‏في‏ ‏بيت‏ ‏ريفي‏ ‏حواليه‏ ‏جنينة‏ ‏برتقان‏, ‏حوالي‏ 8 ‏فدادين‏.‏ وفي‏ ‏بداية‏ ‏كل‏ ‏شتا‏ ‏كان‏ ‏الحاج‏ ‏عبدالشكور‏ ‏والد‏ ‏تلاتاشر‏ (‏وبينادوه‏ ‏دلوقتي‏ ‏يابوتلاتاشر‏) ‏بيبيع‏ ‏محصول‏ ‏الجنينة‏ ‏لفكهاني‏ ‏تاجر‏ ‏جملة‏, ‏مش‏ ‏واحد‏ ‏بالذات‏, ‏يعني‏ ‏اللي‏ ‏المزاد‏ ‏يرسا‏ ‏عليه‏.‏ وفي‏ ‏شتوية‏ ‏من‏ ‏الشتويات‏, ‏أو‏ ‏ذات‏ ‏شتاء‏, ‏حسب‏ ‏ماتحب‏, ‏كان‏ ‏محصول‏ ‏البرتقان‏ ‏بيتحمل‏ ‏علي‏ ‏عربيات‏ ‏التاجر‏, ‏وفي‏ ‏نفس‏ ‏الوقت‏ ‏كانت‏ ‏الست‏ ‏ام‏ ‏تلاتاشر‏ ‏بتولد‏ ‏الرقم‏ ‏ده‏ ‏بالتحديد‏ ‏يعني‏ ‏المدعو‏ ‏تلاتاشر‏ ‏كان‏ ‏بيتولد‏. ‏ويادوب‏ ‏بيوأوأ‏ ‏وأوأته‏ ‏الأولي‏ ‏داخلا‏ ‏الحياة‏, ‏من‏ ‏نقطة‏ ‏الصفر‏ ‏لعدد‏ ‏واحد‏, ‏وإذا‏ ‏بخولي‏ ‏الجنينة‏ ‏داخل‏ ‏ع‏ ‏الحاج‏ ‏عبدالشكور‏ (‏وطبعا‏ ‏عشان‏ ‏هو‏ ‏خولي‏ ‏الجنينة‏ ‏كان‏ ‏اسمه‏ ‏حسن‏).‏ ـ‏ ‏مبروك‏ ‏ياحاج‏!‏ تلاتاشر‏ ‏ألف‏!‏ افتكره‏ ‏الحاج‏ ‏عبدالشكور‏ ‏بيبارك‏ ‏له‏ ‏ع‏ ‏الولد‏:‏ ـ‏ ‏الله‏ ‏يبارك‏ ‏فيك‏ ‏يابوعلي‏. ‏إنما‏ ‏ايه‏ ‏تلاتاشر‏ ... ‏تلاتاشر‏ ‏ألف‏ ‏مبروك؟ ـ‏ ‏لأياحاج‏ ‏تلاتاشر‏ ‏ألف‏ ‏سبت‏... ‏كل‏ ‏سبت‏ ‏بخمسة‏ ‏جنيه‏.. ‏يعني‏... ‏احسبها‏ ‏انت‏ ‏بقي‏.‏ حسبها‏ ‏الحاج‏ ‏في‏ ‏دماغه‏, ‏لقي‏ ‏البيعة‏ ‏السنادي‏ ‏هايلة‏, ‏وقال‏ ‏دا‏ ‏وش‏ ‏الواد‏... ‏الواد؟ الله‏, ‏دا‏ ‏انا‏ ‏لسه‏ ‏ماسميتوش‏.‏ التفت‏ ‏لمراته‏ ‏وسألها‏ ‏نسميه‏ ‏إيه‏ ‏ياعطيات؟ قالت‏ ‏له‏ ‏أدام‏ ‏وشه‏ ‏حلو‏ ‏نسميه‏ ‏مبروك قال‏ ‏لها‏ ‏لأ‏.. ‏مبروك‏ ‏لأ‏.. ‏كان‏ ‏لي‏ ‏عم‏ ‏اسمه‏ ‏مبروك‏ ‏من‏ ‏كتر‏ ‏بركاته‏ ‏وقع‏ ‏في‏ ‏الترعة‏ ‏ماطلعش‏.‏ قالت‏ ‏له‏ ‏سميه‏ ‏بركة‏.‏ ـ‏ ‏لأ‏. ‏بركة‏ ‏لأ‏.. ‏كان‏ ‏ليا‏ ‏خالة‏ ‏اسمها‏ ‏بركة‏, ‏من‏ ‏كتر‏ ‏بركتها‏ ‏بركت‏ ‏فوق‏ ‏جوزها‏ ‏في‏ ‏خناقة‏ ‏قطع‏ ‏النفس‏ ‏ماقامش‏.‏ ـ‏ ‏غلبتني‏ ‏ياحاج‏. ‏سميه‏ ‏زي‏ ‏ماتسميه‏.‏ فكر‏ ‏الحاج‏ ‏ثم‏ ‏فكر‏, ‏ثم‏ ‏عاد‏ ‏ففكر‏ ‏ثم‏ ‏فكر‏, ‏وأخيرا‏ ‏لمعت‏ ‏في‏ ‏ذهنه‏ ‏فكيرة‏ ‏غريبة‏ ‏عجيبة‏... ‏فكرة‏ ‏ماخطرتش‏ ‏قبل‏ ‏منه‏ ‏علي‏ ‏إنس‏ ‏ولاجان‏.‏ قال‏:‏ ـ‏ ‏علي‏ ‏بركة‏ ‏الله‏. ‏ح‏ ‏اسميه‏ ‏تلاتاشر‏ ‏ألف‏.‏ ـ‏ ‏تلاتاشر‏ ‏إيه‏ ‏ياحاج؟ ـ‏ ‏ـ‏ ‏ألف‏ ‏ياولية‏.. ‏تلاتاشر‏ ‏ألف‏.‏ ـ‏ ‏ألف‏ ‏ولا‏ ‏تلاتاشر؟‏.. ‏جري‏ ‏لك‏ ‏إيه؟ اتهبلت‏ ‏م‏ ‏الفرحة؟ ـ‏ ‏دا‏ ‏ابني‏ ‏البكري‏.. ‏جاي‏ ‏علي‏ ‏خمس‏ ‏بنات‏... ‏واسمه‏ ‏لزما‏ ‏يكون‏ ‏حاجة‏ ‏ألا‏ ‏فرانكا‏.‏ ـ‏ ‏ألا‏ ‏فرانكا؟‏ ‏سلامتك‏ ‏كفي‏ ‏الله‏ ‏الشر؟ ـ‏ ‏ياجاهلة‏, ‏ألا‏ ‏فرانكا‏ ‏يعني‏ ‏حاجة‏ ‏كده‏... ‏إكسرا‏.‏ ـ‏ ‏وهو‏ ‏احنا‏ ‏فهمنا‏ ‏ألافرانكا‏ ‏عشان‏ ‏نفهم‏ ‏إكسرا؟‏ ‏مالك‏ ‏يااخويا؟‏ ‏روح‏ ‏هات‏ ‏له‏ ‏القلة‏ ‏ياواد‏ ‏ياحسن‏ . ‏آه‏ ‏ياغلبي‏ ‏ياني‏... ‏تعبت‏ ‏قلبي‏ ‏يابوالمحروس‏ ‏وانا‏ ‏لسه‏ ‏والدة‏. ‏ماتسميه‏ ‏محروس‏, ‏أهي‏ ‏جات‏ ‏لوحدها‏.‏ ـ‏ ‏محروس‏ ‏إيه‏ ‏ياولية‏ ‏ياغلباوية؟‏! ‏هو‏ ‏تلاتاشر‏ ‏يعني‏ ‏تلاتاشر‏, ‏أقصد‏ ‏تلاتاشر‏ ‏ألف‏.‏ ـ‏ ‏يالهوي‏ ‏ياني‏. ‏خلاص‏ ‏ياحاج‏.. ‏انت‏ ‏ابوه‏, ‏انت‏ ‏الكل‏ ‏في‏ ‏الكل‏. ‏والأمر‏ ‏لك‏.‏ ساعتها‏ ‏كان‏ ‏حسن‏ ‏خولي‏ ‏الجنينة‏ ‏داخل‏ ‏بالقلة‏ ‏خدها‏ ‏منه‏ ‏الحاج‏ ‏وقال‏ ‏لها‏ ‏وهو‏ ‏بيشرب‏.‏ ـ‏ ‏زغرطي‏ ‏ياقلة‏, ‏كل‏ ‏زغروطة‏ ‏بألف‏. ‏لوزغرطتي‏ ‏تلاتاشر‏ ‏مرة‏ ‏بتلاتاشر‏ ‏بق‏ ‏مني‏.. ‏يبقي‏ ‏الولد‏ ‏اتسمي‏ ‏خلاص‏. ‏ومابقاش‏ ‏فاضل‏ ‏غير‏ ‏يتسجل‏ ‏رسمي‏.‏ ملا‏ ‏الحاج‏ ‏بطنه‏ ‏ع‏ ‏الآخر‏ ‏عشان‏ ‏يشرب‏ ‏من‏ ‏القلة‏ ‏تلاتاشر‏ ‏بق‏ (‏وطبعا‏ ‏المية‏ ‏اللي‏ ‏في‏ ‏القلة‏ ‏بتعمل‏ ‏صوت‏ ‏جواها‏ ‏زي‏ ‏الزغرطة‏ ‏مع‏ ‏كل‏ ‏بلعة‏), ‏ولانه‏ ‏كان‏ ‏مصمم‏ ‏علي‏ ‏الاسم‏ ‏ده‏, ‏ماهموش‏ ‏ان‏ ‏بطنه‏ ‏اتنفخت‏ ‏م‏ ‏الميه‏ ‏بقت‏ ‏قربة‏.‏ وتوكل‏ ‏الحاج‏ ‏علي‏ ‏الله‏, ‏وراح‏ ‏يطلع‏ ‏للولد‏ ‏شهادة‏ ‏ميلاده‏.‏ الراجل‏ ‏الموظف‏ ‏سأل‏ ‏عن‏ ‏الاسم‏ ‏الثلاثي‏:‏ ـ‏ ‏تلاتاشر‏ ‏الف‏ ‏عبدالشكور‏.‏ الافندي‏ ‏الموظف‏ ‏اغمي‏ ‏عليه‏ ‏تقريبا‏. ‏وبعد‏ ‏ما‏ ‏فاق‏ ‏قعد‏ ‏يدورها‏ ‏ف‏ ‏دماغه‏:‏ ـ‏ ‏عبدالشكور‏ ‏اسم‏ ‏واحد‏, ‏دي‏ ‏فاهمينها‏.‏ انما‏ ‏تلاتاشر‏ ‏الف‏ ‏دي‏ ‏ـ‏ ‏يعني‏ ‏الواد‏ ‏اسمه‏ ‏تلاتاشر‏, ‏وابوه‏ ‏اسمه‏ ‏الف‏, ‏والجد‏ ‏عبدالشكور؟‏ ‏كده‏ ‏يبقي‏ ‏الاسم‏ ‏ثلاثي‏. ‏لكن‏ ‏مش‏ ‏معقول‏. ‏ولا‏ ‏يكون‏ ‏المقصود‏ ‏اسم‏ ‏واحد‏ (‏عبدالشكور‏) ‏مضروب‏ ‏في‏ ‏تلاتاشر‏ ‏الف‏.‏ يعني‏ ‏تلاتاشر‏ ‏الف‏ ‏واحد‏ ‏اسمهم‏ ‏عبدالشكور؟ عشان‏ ‏يريح‏ ‏دماغه‏ ‏الموظف‏ ‏خلص‏ ‏له‏ ‏الورقة‏. ‏وعاد‏ ‏ابو‏ ‏تلاتاشر‏ ‏الف‏ ‏سعيدا‏ ‏الي‏ ‏جنينة‏ ‏البرتقان‏.‏ ولما‏ ‏كبر‏ ‏الولد‏ ‏وراح‏ ‏المدرسة‏, ‏كبرت‏ ‏مشكلة‏ ‏اسمه‏ ‏معاه‏. ‏التلامذة‏ ‏والمدرسين‏ ‏كانوا‏ ‏بينادوه‏ ‏تلاتاشر‏, ‏زي‏ ‏اهله‏ ‏في‏ ‏البيت‏. ‏عشان‏ ‏كده‏ ‏كتير‏ ‏منهم‏ ‏اعتقدوا‏ ‏ان‏ ‏اسم‏ ‏ابوه‏ ‏الف‏ ‏واسم‏ ‏الجد‏ ‏عبدالشكور‏, ‏خصوصا‏ ‏ان‏ ‏الاسم‏ ‏الثلاثي‏ ‏في‏ ‏الاوراق‏ ‏الرسمية‏, ‏زي‏ ‏ما‏ ‏انتو‏ ‏راسيين‏, ‏تلاتاشر‏ ‏الف‏ ‏عبدالشكور‏.‏ وكان‏ ‏بيسقط‏ ‏في‏ ‏الحساب‏, ‏ابوه‏ ‏جاب‏ ‏له‏ ‏مدرس‏ ‏خصوصي‏. ‏لما‏ ‏دخل‏ ‏بيتهم‏ ‏ـ‏ ‏وكان‏ ‏اسمه‏ ‏الاستاذ‏ ‏عبدالواحد‏ ‏ـ‏ ‏سلم‏ ‏علي‏ ‏الحاج‏ ‏عبدالشكور‏ ‏وقال‏ ‏له‏: ‏تشرفنا‏ ‏ياعم‏ ‏الحاج‏ ‏الف‏.‏ افتكره‏ ‏ابو‏ ‏تلاتاشر‏ ‏بيتمألس‏ ‏عليه‏:‏ ـ‏ ‏الف‏ ‏عم‏ ‏حاج‏ ‏لما‏ ‏يضربوك‏ ‏في‏ ‏عشرة‏.‏ جري‏ ‏إيه‏ ‏ياسي‏ ‏عبدالواحد‏ ‏ياخوجة‏ ‏الحساب‏, ‏احنا‏ ‏ح‏ ‏نتمألس‏ ‏من‏ ‏اولها؟ الراجل‏ ‏ياعيني‏ ‏اسقط‏ ‏في‏ ‏يده‏, ‏بص‏ ‏لتلميذه‏ ‏بيسأله‏ ‏بعينيه‏, ‏قام‏ ‏الطالب‏ ‏تلاتاشر‏ ‏الضعيف‏ ‏في‏ ‏الحساب‏ ‏شرح‏ ‏لابوه‏ ‏المسألة‏, ‏وفهمه‏ ‏مشكلة‏ ‏اسمه‏ ‏الثلاثي‏ ‏اللي‏ ‏حصلت‏ ‏من‏ ‏تحت‏ ‏راسه‏, ‏اي‏ ‏راس‏ ‏الحاج‏ ‏شخصيا‏.‏ ـ‏ ‏آه‏ ‏فهمت‏. ‏طب‏ ‏مش‏ ‏كنت‏ ‏تقول‏ ‏لي‏ ‏ياوله‏ ‏قبل‏ ‏ما‏ ‏نغلط‏ ‏في‏ ‏الناس‏. ‏معلش‏ ‏ياسي‏ ‏الاستاذ‏ ‏ماتآخذنيش‏.. ‏وادي‏ ‏راسك‏ ‏ابوسها‏.‏ نجح‏ ‏تلاتاشر‏ ‏في‏ ‏امتحان‏ ‏الحساب‏, ‏لكن‏ ‏فيه‏ ‏مسائل‏ ‏تانية‏ ‏في‏ ‏حياته‏ ‏كانت‏ ‏صعبة‏ ‏جدا‏, ‏بسبب‏ ‏اسمه‏ ‏النحس‏.‏ لما‏ ‏كبر‏ ‏ودخل‏ ‏الجامعة‏, ‏حصلت‏ ‏له‏ ‏مشاكل‏ ‏عاطفية‏. ‏كل‏ ‏ما‏ ‏يحب‏ ‏واحدة‏ ‏تضحك‏ ‏علي‏ ‏اسمه‏. ‏وفي‏ ‏الاخر‏ ‏واحدة‏ ‏رضيت‏ ‏بيه‏ ‏وباسمه‏. ‏راح‏ ‏يخطبها‏ ‏ابوها‏ ‏طرده‏. ‏افتكره‏ ‏بيهزر‏ ‏معاه‏. ‏ولما‏ ‏فهم‏ ‏انه‏ ‏مش‏ ‏هزار‏ ‏ازداد‏ ‏اصراره‏ ‏علي‏ ‏الرفض‏, ‏ووضح‏ ‏لبنته‏ ‏المسألة‏:‏ ـ‏ ‏يابنتي‏ ‏انتي‏ ‏اسمك‏ ‏توحيدة‏ ‏وامك‏ ‏اسمها‏ ‏وحدات‏. ‏وانا‏ ‏اسمي‏ ‏وحيد‏, ‏وهو‏ ‏اسمه‏ ‏تلاتاشر‏. ‏عايزانا‏ ‏نبقي‏ ‏مسخرة؟‏ ‏مضحكة‏ ‏للي‏ ‏يسوي‏ ‏واللي‏ ‏ما‏ ‏يسواش؟ توحيدة‏ ‏اقتنعت‏ ‏برأي‏ ‏ابوها‏ ‏وحيد‏ ‏اللي‏ ‏ورث‏ ‏من‏ ‏جدها‏ ‏خميس‏ ‏بعد‏ ‏النظر‏ ‏والحكمة‏. ‏وكانت‏ ‏مأساة‏ ‏كلها‏ ‏ارقام‏ ‏في‏ ‏ارقام‏.‏ دلوقتي‏ ‏الاستاذ‏ ‏الدكتور‏ ‏تلاتاشر‏ ‏بقي‏ ‏ماشاء‏ ‏الله‏ ‏عالم‏ ‏كبير‏ ‏في‏ ‏الرياضيات‏. ‏وأهم‏ ‏انجازاته‏ ‏في‏ ‏مجال‏ ‏تخصصه‏ ‏إنه‏ ‏أثبت‏ ‏رياضيا‏ ‏بما‏ ‏لايقبل‏ ‏الشك‏ ‏حقيقة‏ ‏ارتباط‏ ‏النحس‏ ‏علميا‏ ‏ويقينيا‏ ‏برقم‏ ‏تلاتاشر‏.‏ ومن‏ ‏خلال‏ ‏تجربته‏ ‏الشخصية‏ ‏حقق‏ ‏اكتشافا‏ ‏مذهلا‏ ‏وهو‏ ‏ارتباط‏ ‏المجردات‏ ‏الرياضية‏ ‏بعلم‏ ‏الأحياء‏. ‏واضاف‏ ‏ان‏ ‏اليقين‏ ‏الرياضي‏ ‏أيضا‏ ‏يخضع‏ ‏للصدفة‏. ‏وكان‏ ‏إثباته‏ ‏لكل‏ ‏هذه‏ ‏الاكتشافات‏ ‏المدهشة‏ ‏بسيطا‏ ‏جدا‏:‏ أنا‏ ‏عالم‏ ‏رياضيات‏, ‏أنا‏ ‏اسمي‏ ‏تلاتاشر‏, ‏أنا‏ ‏حياتي‏ ‏كلها‏ ‏كانت‏ ‏نحس‏ ‏في‏ ‏نحس‏.‏ أنا‏ ‏كائن‏ ‏عضوي‏ ‏اتسميت‏ ‏كده‏ ‏بالصدفة‏.. ‏عشان‏ ‏تلاتاشر‏ ‏الف‏ ‏سبت‏ ‏برتقان والالف‏ ‏اللي‏ ‏فوق‏ ‏التلاتاشر‏ ‏مافرقوش‏.‏ يعني‏ 1000 * 13 = ‏صفر‏!‏ ودا‏ ‏كان‏ ‏اكبر‏ ‏اكتشاف‏ ‏رياضي‏ ‏في‏ ‏القرن‏ ‏العشرين‏, ‏واهم‏ ‏معادلة‏ ‏بعد‏ ‏النسبية‏.‏ الاستاذ‏ ‏الدكتور‏ ‏تلاتاشر‏ ‏توفي‏ ‏في‏ ‏حادث‏ ‏غامض‏ ‏وهو‏ ‏بيستحمي‏ ‏في‏ 1913/12/13.‏

الرجوع الى أعلى الصفحة

اذهب الى الأسفل

الرقة الجارحة
مجلة الأمل

عدد الرسائل : 674
العمر : 34
الموقع : مدينة بلا عنوانِِ
نقاط : 78
تاريخ التسجيل : 29/11/2007

‏1000 × 13= ‏صفر Empty

موضوع: رد: ‏1000 × 13= ‏صفر الثلاثاء 4 مارس - 18:32:48

ياااااااااااااااه دي الحكايه عويصه قوي بس تصدق اسمه حلو 13 اسم كميل لا وكمان عالم رياضيات لازم طبعا يبقي نحس بس صعبان علي والله خساره انه متجوزش توحيده بنت وحيد كانوا هيبقول عيله رياصيه للارقام الفرديه قصه لذيذه وملغبطه وحلو قوي اثبات المعدله دي ‏1000 × 13= ‏صفر يالا بقي الله يرحمه شكله كان نابغه حتي في يوم وفاته ------- استاذ عمرو شكرا لك قصتك الكميله دي

الرجوع الى أعلى الصفحة

اذهب الى الأسفل

amr
عضو محترف

عدد الرسائل : 1137
العمر : 43
نقاط : 0
تاريخ التسجيل : 24/10/2007

‏1000 × 13= ‏صفر Empty

موضوع: رد: ‏1000 × 13= ‏صفر الأربعاء 5 مارس - 10:22:20

الرقة الجارحة كتب: ياااااااااااااااه دي الحكايه عويصه قوي بس تصدق اسمه حلو 13 اسم كميل لا وكمان عالم رياضيات لازم طبعا يبقي نحس بس صعبان علي والله خساره انه متجوزش توحيده بنت وحيد كانوا هيبقول عيله رياصيه للارقام الفرديه قصه لذيذه وملغبطه وحلو قوي اثبات المعدله دي ‏1000 × 13= ‏صفر يالا بقي الله يرحمه شكله كان نابغه حتي في يوم وفاته ------- استاذ عمرو شكرا لك قصتك الكميله دي اشكرك على الرد وعلى معايشتك القصة ولاكن عندى أستفسار خاص الا وهو كلمة (الكميلة ) مانخليها جميلة أحسن عشان نتكلم بالعمية وكفاية الراجل الى سمى ابنه 13 ياعنى يبقى 13 والكميلة أشكرك مرة تانية وعلى متابعتك للموضوع ولكى منى تحياتى

الرجوع الى أعلى الصفحة

اذهب الى الأسفل

الرقة الجارحة
مجلة الأمل

عدد الرسائل : 674
العمر : 34
الموقع : مدينة بلا عنوانِِ
نقاط : 78
تاريخ التسجيل : 29/11/2007

‏1000 × 13= ‏صفر Empty

موضوع: رد: ‏1000 × 13= ‏صفر الأربعاء 5 مارس - 19:54:20

اقتباس : ولاكن عندى أستفسار خاص الا وهو كلمة (الكميلة ) مانخليها جميلة أحسن عشان نتكلم بالعمية وكفاية الراجل الى سمى ابنه 13 ياعنى يبقى 13 والكميلة كميله مممممممممممممم نخليها جميله لالالالالالالالالالا مينفعش مش هيكون ليها طعم وخاصه مني وكمان ماله 13 الف دا الراجل حتي اسمه كميل خالص وكله بركه ولا ايه؟

الرجوع الى أعلى الصفحة

اذهب الى الأسفل

amr
عضو محترف

عدد الرسائل : 1137
العمر : 43
نقاط : 0
تاريخ التسجيل : 24/10/2007

‏1000 × 13= ‏صفر Empty

موضوع: رد: ‏1000 × 13= ‏صفر الأربعاء 5 مارس - 21:11:39

الرقة الجارحة كتب: اقتباس : ولاكن عندى أستفسار خاص الا وهو كلمة (الكميلة ) مانخليها جميلة أحسن عشان نتكلم بالعمية وكفاية الراجل الى سمى ابنه 13 ياعنى يبقى 13 والكميلة كميله مممممممممممممم نخليها جميله لالالالالالالالالالا مينفعش مش هيكون ليها طعم وخاصه مني وكمان ماله 13 الف دا الراجل حتي اسمه كميل خالص وكله بركه ولا ايه؟ كميل .......كميل...........كميل.......... كميل

الرجوع الى أعلى الصفحة

اذهب الى الأسفل

الطائر المهاجر
عضو محترف

عدد الرسائل : 247
العمر : 35
الموقع : اول بيت بنى فى كفر الجمال
نقاط : 3
تاريخ التسجيل : 13/01/2008

‏1000 × 13= ‏صفر Empty

موضوع: رد: ‏1000 × 13= ‏صفر الأربعاء 5 مارس - 21:51:32

القصه فيها حاجه مفيده ان الاسم مهما يكون وشه حلو لكن فيم بعد بيكون فى مشكله فى المستقبل للطفل ده زى ماحصل يبقى لازم نسمى اولادنا اسماء حسنه خير الاسماء ما عُبد وحُمد اى الذى يبدا عبدالله او محمد او غيره من الاسماء الحسنه موضوع جميل يا عمرو شكرا

الرجوع الى أعلى الصفحة

اذهب الى الأسفل

https://elgemal.ahlamontada.com

amr
عضو محترف

عدد الرسائل : 1137
العمر : 43
نقاط : 0
تاريخ التسجيل : 24/10/2007

‏1000 × 13= ‏صفر Empty

موضوع: رد: ‏1000 × 13= ‏صفر السبت 15 مارس - 14:06:43

الطائر المهاجر كتب: القصه فيها حاجه مفيده ان الاسم مهما يكون وشه حلو لكن فيم بعد بيكون فى مشكله فى المستقبل للطفل ده زى ماحصل يبقى لازم نسمى اولادنا اسماء حسنه خير الاسماء ما عُبد وحُمد اى الذى يبدا عبدالله او محمد او غيره من الاسماء الحسنه موضوع جميل يا عمرو شكرا شكرا ايها الطائر المهاجر ولك من تحياتى

الرجوع الى أعلى الصفحة

اذهب الى الأسفل

7aMaDa elpop
مشرف منتدى الكمبيوتر والمنتدى الرياضى

عدد الرسائل : 1488
العمر : 39
1 : 4
نقاط : 12
تاريخ التسجيل : 18/10/2007

‏1000 × 13= ‏صفر Empty

موضوع: رد: ‏1000 × 13= ‏صفر الأربعاء 19 مارس - 14:29:37

يانهار ابيض وبخطين حمر هههههههههههه لا اسم والله اكسترا اكسترا فعلا دا ايه الحصريات اللى فى الاسماء دى يرب صبر الواد بقى شكرا ياعمر على الموضوع ؟؟؟؟؟؟؟؟؟؟؟؟؟؟؟؟؟؟ ههههههههههههههه

الرجوع الى أعلى الصفحة

اذهب الى الأسفل

‏1000 × 13= ‏صفر

الرجوع الى أعلى الصفحة

صفحة 1 من اصل 1

مواضيع مماثلة

» العضو رقم 1000
» المساهمة رقم 1000 لحياة الروح
» الموسوعه الرابعه:::: 1000 سؤال في الثقافه الاسلاميه

صلاحيات هذا المنتدى:

لاتستطيع الرد على المواضيع في هذا المنتدى

منتدى شباب كفر الجمال :: المنتدى الثقافي و الترفيهي :: منتدى القصة والرواية

انتقل الى: