حوار بين بنت وجدتها سنه 2055 تخيل الحوار ومش عارف هتضحك ولا

ل تخيلت يوما كيف سيكون الحوار بين جده من بنات اليومين دول وحفيدتها بعد خمسين سنه

المكان : أحد أحياء القاهرة
الزمان : يوم من أيام صيف عام 2055

حفيدة في سن المراهقة (12 سنة) تجلس مع جدتها (70 سنة) ليدور بينهما هذا الحوار

الحفيدة: تيته ميرو إزيك بقى لي زمان ما قعدتش معاكي

الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني

الحفيدة: ومابتفتحيش الدش ليه يا تيته

الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !

الجدة : يا بنتي أنا ست دقة قديمة وبلبس زي ما جيلنا الصاعد اتعود وحسب التقاليد القديمة بتاعتنا

الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون الاسترتش الجلد …كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص !

الجدة : وهو انتي فاكرة إن أيامكم دي أيام؟ يا بنتي

أيامكم دي ما يعلم بيها إلا ربنا .. فين أيام سنة 2007، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش ..
أمال إيه .. كان فيه حاجة اسمها أخلاق

الحفيدة: معقول يا تيته؟ للدرجة الفظيعة دي!!؟

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..
مش زي دلوقتي! حسبي الله ونعم الوكيل!

الحفيدة : يا خبر .. وإيه كمان ياتيته

الجدة: ح أقول لك إيه ولا إيه يعني خدي عندك مثلاً ..

زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!

الحفيدة : وبعدين ياتيته

الجدة : وبعدين كنا نسمع على حاجة اسمها ام بي ثري ،ودي صحيح انقرضت، بس كان ليها طعم عن دلوقتي، يا سلام لما كنا نحطها في الودان واحنا ماشيين ونعلقها في الرقبه كده ونمشي في الشارع كده، كانت أيام جميلة.حسبي الله ونعم الوكيل!

الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة

الجدة: طيب ياحبيبتي روحي

(بعد عدة دقائق)

الحفيدة: هيه يا تيته.. وبعدين

الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر،
تخيلي بقى الروقان اللي كنا فيه؟ حسبي الله ونعم الوكيل!

الحفيدة : 70 مليون بس؟!!

الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى 40جنيه أو 45جنيه، وكان أتخن جوز جزمة بـ 550جنيه، وكان الواحد يقدر يشتري شقة تمليك بـ250 ألف جنيه بس..وكان الدولار سته جنيه بس تخيلي بقى؟

الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي

الجدة : أُمال إيه .. ده احنا الواحدة مننا كانت بمجرد ما توصل سن 16 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً،
طب ده باباها كان ممكن ساعتها يخاصمها !

الحفيدة : ياي! ده انتوا كنتوا متزمتين خالص ياتيته !!!

الجدة : يا بنتي إحنا اتربينا على الأخلاق والفضيلة

والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل!

(تمسك الجدة بتليفون محمول في حجم عود الكبريت)

الحفيدة : ح تكلمي مين يا تيته

الجدة : الحقيقة أنا كنت موصية الجزار على اتنين كيلو

لحمة و اديته2000دولار عربون وعايزة أطلبه أشوف إذا كانت اللحمة وصلت ولا لأ ..

الحفيدة: (تنهض من مكانها) تشاو سي يو تيته!

الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار بين الجدة والحفيدة:

الجدة: إنتي كنتي فين يا فتفت؟

الحفيدة :أصل إحنا أخدنا الولد من الحضانة ..

الجدة : ولد !! ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

الحفيدة : يا سلام عليكي يا تيته.. إنتي عليك تحكيمات

غريبة..طيب إيه اللي يمنع نخلف من غير جواز أنا شخصياً عملتها ونفعت

الجدة : مشكلتي إني ما باعرفش أزعل منك يا فتفت يا

عكروتة ..وسميتوا المحروس إيه بقى

الحفيدة : سميناه (دوت كوم) ..

الجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟

الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)
أفتح لك التليفزيون يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

المذيعة : هاي شلة! إليكم عناوين الأخبار

- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان

- واشنطن تتهم ليبيا بتفجير سفينة فضاء فوق كوكب المريخ

- وزير الاقتصاد د.فريد يوسف بطرس غالي يصرح: إعدام الفقراء هو الحل لخروجنا من عنق الزجاجة

- موافقة مجلس الشعب أخيرا على خصخصة معبد الكرنك

أخبار عربية:

- زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل

- سيريلانكا والفلبين تطرد خمسة آلاف خادمة كويتية

- إسرائيل ترفض الإنسحاب من البصرة إلا بعد ضمان أمن مستوطناتها في بغداد

- اشتباكات على الحدود الإسرائيلية المغربية

أخبار الفن

- زفاف المطربة صباح على حفيد الفنان الراحل راغب علامة
- الفنان محمد هنيدي يهاجم نجوم الكوميديا الجدد
- ترقب صدور البوم عمرو دياب الجديد

أخبار الرياضه
- اختيار مدير فنى جديد لنادى الزمالك
- فوز ناشيء الاهلى على الزمالك 4/2 على ملعب هادى خشبة بمقر النادى الجديد باسيوط
- جماهير الزمالك تطالب بأعتزال ميدو امام ابن نجم الزمالك السابق حازم أمام وحفيد حمادة امام
- المجلس المعين بالزمالك يؤكد انه لن يرشح نفسه بالانتخابات القادمة
- الاهلى يفوز على نادى الحرس الملكي (حرس الحدود سابقا) بضربه جزاء فى الدقيقة الاخيرة (مشكوك فى صحتها طبعاً).

المذيعة: فينيش باي

الجدة: لأ بقى حسبي الله ونعم الوكيل فيكم فعلا!

(يغمى عليها)

الحفيدة : تيته..تيته

إيه دا ماتت بالا نيله

هههههههههه كويس اوى اوى الموضوع دة عجبنى جدا الظاهر فعلا انى دة الى هيبقى حالنا ربنا يستر

السلام عليك وحمة الله وبركاته......
اشكرك بشده علي موضوعك الجميل والقصه الرائعه
وربنا يطول من عمرنا وعمرك حتي نصل الي 2055
وان شاء الله نرد عليك الرد السديد

والسلاااااااااااااااااااااااااااااااام ختاااااااااااااااااااااااااااااااااااااااااااااام.

شكرا جدا ليك يا حماده على مرورك

youngemado كتب:: السلام عليك وحمة الله وبركاته......
اشكرك بشده علي موضوعك الجميل والقصه الرائعه
وربنا يطول من عمرنا وعمرك حتي نصل الي 2055
وان شاء الله نرد عليك الرد السديد

والسلاااااااااااااااااااااااااااااااام ختاااااااااااااااااااااااااااااااااااااااااااااام.

شكرا جدا ليك على رايك ومرورك

الفرعون العاشق

يا خبر ابيض

والله مش عارفة المفروض نبكي ولا نضحك

ربنا يستر

شكرا لحضرتك علي الموضوع

اقتباس :: أخبار الرياضه
- اختيار مدير فنى جديد لنادى الزمالك
- فوز ناشيء الاهلى على الزمالك 4/2 على ملعب هادى خشبة بمقر النادى الجديد باسيوط
- جماهير الزمالك تطالب بأعتزال ميدو امام ابن نجم الزمالك السابق حازم أمام وحفيد حمادة امام
- المجلس المعين بالزمالك يؤكد انه لن يرشح نفسه بالانتخابات القادمة
- الاهلى يفوز على نادى الحرس الملكي (حرس الحدود سابقا) بضربه جزاء فى الدقيقة الاخيرة (مشكوك فى صحتها طبعاً).

كنت متوقع ان اخبار الرياضه

تتضمن خبر اعتزال العميد / حسام حسن فى عام 2055

لكن يخساره لسه بيفكر فى القرار

لكن اتوقع ان العميد / حسام حسن هذا اخر موسم له

بعد ان قدم موسم رائع مع فريق شباب كفر الجمال

وحصل معهم على بطولة الدورى

وتم لعب النهائى باستاد كفر الجمال

تحياتى

HABIBBOND

» شوية نكت.............. بس هتضحك
» وجدتها---وجدتها !!
» أٌسلوب الحوار الناجح
» تخيل لو ..............؟
» حوار مع زوج..... حوار صريح جدا .!!