طريقة عمل الفسيخ المملح بالصور في البيت

طريقة عمل الفسيخ المملح بالصور في البيت

المكونات:

سمك بوري" لكيلو سمكتين"
نص كيس ملح خشن
2 معلقه كبيره شطه
و اكياس جديده

و حته قماش

الطريقه:
اول حاجه نجيب السمك طازه ... و حطي 100 خط علي طازه
و مانغسلوش و مانعملش فيه اي حاجه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

و بعدين نجيب جرنان و نحط عليه السمك بالشكل ده

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 900x1346.

لحد مايصفي كل الدم
لمده لا تقل عن 12 ساعه
يعني تحطيه بالليل و تعمليه الصبح

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

وبعدين تجيبى الشطة والملح
وبعدين تفتحى خياشيم السمكة كده على الأخر
شايفاها حمرا أزاى لأنها طازه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

و بعدين نحشي خياشمها دي بالملح و الشطه
تجيبي الملح و الشطه و تلخبطيهم علي بعض
و بعدين تحشي لحد ما تحسي انها هاتفرقع و تضغطي عكده بصوابعك علي الخياشيم المحشيه دي
هتلاقي الملح بيخش لجوه كده و بيتكبس
كده زي الصوره

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

و تعملي كده في كميه السمك اللي عاندك
و بقي شويه من الملح و الشطه دول...
هاقولك هانعمل بيهم ايه
حلو ..... حلو
تجيبي بقي كيس نايلون و تحطي فيه شويه ملح و شطه كده
بس ماتحطيش اكتر من سمكتين في الكيس الواحد

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

اهو الكيس فوق
تعالي بقي نحط السمك بعد ماحشيناه
واحده عكس التانيه
كده زي الصوره

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

و نروح رشين عليه شويه كمان من الملح و الشطه
و نربط الكيس الاولاني كويس قوي
و نلفه في كيس نايلون تاني

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

و بعين تلفيه في كذا كيس
يعني حوال 5 كده
و بعدين اخر حاجه نلفه في مشمع
او كيس تخين علشان مايطلعش ريحه
كده

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

و بعديييييييييييييييييييييي ييييين بقي
نحطه في حته كده بعيد شويه
يعني في درفه مطبخ اللي تحت
او اللي عندها دولاب بلكونه
او اي حته مداريا
بصي بقي ركزي شويه معايا
احنا مش هانفتح الفسيخ خالص
اول 3 ايام.... مش هانيجي جانبه خالص
من بدايه اليوم الرابع لحد اليوم 15
كل يوم نقلبه مره
و هو ملفوف زي ماهو
يعني بنقلب اللفه كلها
الكيس كله
ازاي بقي
هو دلوقتي معدول نقوم محركينه كده كأنه نام علي الجنب الشمال
و بكره نخليه ينام علي بطنه
و بعده نخليه علي الجنب اليمين
و بعده نخليه تاني يتعدل
يعني بيلف
كل يوم حركه واحده بس
يعني اول ماتصحي الصبح حركيه و انسيه بقي لحد تاني يوم الصبح
الحركه دي مهمه قوي
لانها بتخليه يستوي
طيب هايطلع ريحه... اه هايطلع ريحه بس اول تلات ايام بس
و بعدين هايبقي فيه ريحه... اه بس خفيفه قوي
طيب خلصو ال15 يوم
تكوني بقي مجهزه القعده
بصل اخضر و عيش و ليمون و ياسلام بقي لو عودين نعناع علشان الشاي اللي بعده
و هاوريكو صورته حالا

استنوني

تعالي شمي بقي" قاصدي " شوفي الصور
ده شكله لما فتحته بعد 15 يوم
و شلت كيس ورا كيس ورا كيس
ياااااااه
كتير قوي
المهم... اهه شكله قبل ما اطلعه من اخر كيس

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

اهو بقي يا ستي الفسيخ
و دي بقي لما طلعتو من الكيس
بس اهم حاجه خلي بالك افرشي جرنان واعملي احتياطاتك

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

طبعا تجيبي سكينه و تشيلي كل القشر بتاعه
و بعدين تبلي ايدك ميه و تمسحي الفسيخه كده من برا ..
علشان تشيلي القشر اللي لازق عليها
و بعدين تقطعي راسها و ترميها
و بعدين تفتحيها كده و تشيلي بطنها
و بيبقي شكلها كده

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x535.

شكرا علي الاكلات المتنوعة