كلمني بالعربي مسرحية قصير ساخرة من اوضاع كثير من الشباب.....

مسرحية قصيرة ساخرة من اوضاع كثير من الشباب



1 - الأبطال كيمو , شيكو,ريكو.. 3 فتيان : في المرحلة الإعدادية لغات نصــــــف
كلامهم أجنبي والنصف الأخر غير مفهوم .



2 - خالد : صديق لهم و لكنه مختلف عنهم



3 -حميدوف : شاب مسلم أتى من روسيا



ريكو يدخل على شيكو و يسلم

ريكو : هاى يا مان هاو أر يو

و يتعانقا هو و شيكو

شيكو :أنا fine يا كوتش إزيك إنتا و إيه أخبار الواد ميمو

ريكو : أهو كل يوم يبرشت علينا عشــان ياكل معانا ... حاجة disgusted

شيكو : ياه ياه الguy ده very silly أنا مش عارف إنتو
fool around with him إزاي

ريكو : ياعم ما تخنؤنيــش و نفض له.. المهم سمعت أخر song ل Santana ده حاجة amazing خالص.. أنا باشغلها على طول حتى و أنا في class

سيكو : إزاي

ريكو : أبداً بكبر للمدرس و باديلو الطرشة و أقعد ورا و أشغل الdvd player بتاعي

شيكو : طيب أنا عايزك ت borrow me ال dvd ده

ريكو : إنتا بتقول إيه يا مان tomorrow it will be with u

يدخل كيمو عل ريكو و شيكو

كيمو :how r u guys , everything is ok؟؟

العيال: fine fine إنتا عامل إيه

كيمو : أنا fine المهم عايزين النهارده نخرج خروجة cool

العيال ريكو: ماشي بس أنا الجيل بتاعي خلص و لازم أجيب واحد تاني عشان إنتو عارفين أنا لازم أكون شاي فانكي و سبايكي

كيمو :sure ya man دنتا الواد ال spyky بتاع الشلــة

خلاص كل واحد يسقط بنطلونه و يضرب الجيل و يحط الbody spray عشــان نظبط

و نتقابل الساعة 7 ok



كيمو واقف في الشارع منتظر ريكو و شيكو و حاطط ال CD man وبيدندن و يحرك يديه و جسمه

يدخل خالد عليه و يسلم

كيمو :هاي خالد إزيك يا مان عامل إيه its been along time

خالد :الحمد لله في أحسن حال و لله الفضل و المنة و كيف حالك أنت

كيمو :wat wat إيه ده يامان إنته بتتكلم لغة و الا إيه ماتتكلم زي مابنكلم في العادي يعني و خليك on ماتبأش off

خالد : و الله اني أتكلم كما يجب أن نتكلم جميعاَ كلامي أنا هو العادي

كيمو : إزاي بأه

خالد : حســناَ تريد أن تعرف ماذا حدث لي و لماذا أتكلم هكذا

كيمو :sure sure يا مان

خالد :حسنــاَ هل أنت في إنتظار أحد

كيمو : ايوة ده الواد ريكو و شيكو حأبلهم

خالد : إذن سأنتظر معك حتى يأتوا و نذهب سويا إلى مكان ظريف

كيمو: خلاص ok ده العيال أهم جم

يدخل العيال و يسلموا بطريقتهم المعتاده

و يرد خالد: أنا في أحسن حال

كيمو :بصوا يا جماعة خالد إتفأ معايا إن احنا ن join him و حيودينا amazing place

العيال :ok ok بس المهم نعرف خالد بيتكلم كده ليه

يصل الجميع إلى مكان يجلس فيه فتي يبدو عليه أنه ليس مصري

خالد يسلم على الفتى و يقول له كيف حالك يا حميدوف

حميدوف : الهمد لله يا هالد (يبدو عليه أنه يتحدث العربية بلكنة غربية )

خالد : أريد ان أعرفك بأصدقائي كريم و شاكر و كمال

العيال متعجبون فلأول مرة منذ فترة طويلة يناديهم أحد بأسمائهم الأصلية

حميدوف : كيف هالكم إيها الإهوة

خالد متحدثا إليهم : حميدوف صديقي منذ أكثر من شهر و هو السبب في تغير حالي هكذا و جزاه الله خيرا

حميدوف اتى من بلاد بعيدة ليتتكلم العربية و أنا أفضّل أن يحكي هو قصته

حميدوف: انا أهيش في روسيا هناك كان كل شيئ ممنوعا الصلاة والصيام و قراءة القران.. و لكنا كنا نقرأ القرآن و نصلي و نصوم في الســر

و في يوم من الأيام قال لي أبي يا بني أنت أكبر أبنائي و أقربهم إلي أريدك أن تتعلم العربية حتى تعلمنا جميعا و تعلمنا كيف نفهم و نقرأ القرآن فنحن هناك نقرأ القرآن و لكننا لا نعرف معانيه

و لكن أعيننا تبكي كلما قرأنا أي آية أو حرف من القرآن و أتيت إلى هنا لكي أتعلم العربية فمصر بلد الأزهر

فوجد أهلها يلبسون ملابس غربية و لا يتكلمون العربية الفصحى التي نتعطش إليه و نبحث عن أي مورد يساعدنا على تعلمها و إتقانها

يتدخل خالد مقاطعاَ: و في أثناء بحث حميدوف عن مركز لتعليم العربية قابلني و سألني إن كنت أعرف مكان لتعلم العربية فتذكرت مركز لتعليم العربية في الشارع الذي أسكن فيه و ذهبنا سويا و في الطريق قص عليا قصته شعرت بالخجل و الألم يعتصرني كيف أكون عربي و مسلم و لا أتكلم العربية ......

فقررت أنا أيضا أن ألتحق بالمركز و أصبح حميدوف أقرب الناس إلي و كنا نذهب إلى المركز كل يوم و نساعد بعضنا البعض في الدراسة حتى استطعنا أن تقن العربية و قررت ألا أتحدث بأي لغة غير العربية في حياتي اليومية حتى و لو سخر مني أهلي و أصدقائــي

نظر العيال إلى صديقهم خالد و قد تأثروا بكلامه

و يقفون جميعا و يخرج كيمو الcd الذي كان يسمعه و يرفعوا جميعا سراويلهم و يقولوا لصديقهم خالد : خالد هو الplace اللي إنتوا talked about it ده فيـــــــن ؟؟؟؟

موضوع جامد جدا زفي نفس الوقت بيزصل رسالة مهمة جدا جدا
بس ما اعتقدش اني الغة باظت للدرجة دي

كله فى الكليتش يامان

بينى وبينك يامان

انا قررت انا والاوكشه بتعتى نروح المركز ده يامان

بس مش علشان نزبط اللغه يمان

علشان اعرف كيمو وميمو وخالد

اصل اعجبت بيهم

كله فى الاوكاشن يا مان

ربنا يكرمك

موضوعك فى الجون

بس طله اف سيد يامان

bye

يامان

شكرا على ردكherox ولتسمح لى ان ارد عليك تقول فى ردك ان اللغة العربية لم تصل الى هذة الدرجة لا اتفق معك فى هذا الرد وخير دليل على وصول اللغة الى منحنى خطير جدا انك عندما اشتركت فى المنتدى اخترت لنفسك اسم herox ولم تختار اسم بالغة العربية وهذه حرية شخصية لك ولكن لو تسمح لى لماذا سميت نفسك بالغة الانجليزية ولم تسمى نفسك بالغة العربية فكر قليا .....

ولماذا كتبت تعليقا بالغة الانجليزية ولم تكتب تعليقا بالغة العربية والتعليق هو :

never try to cry
try to be a thing in your live
try to make your drems
real
try to make your love
real
try to bring your heart to your mind
try to bring your mind to your heart

لماذا لم تكتب هذا التعليق باللغة العربية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رغم ان كل المشتركين عرب وليسوا انجليز ؟؟؟؟؟؟؟؟؟؟؟؟؟؟؟؟؟؟؟؟

انا اجاوب علي سوالك
ببساطة شديدة
انا اخترت اكتب السم والتعليق بالانجيلزي
لاني احببت ان اكتب اسما احبة ككلمة ومعني بالانجليزية
لو كنت هاكتب اسم عربي كنت هاكتب
هيرو اكس
بردة ولو تعليق بالعربي كان هايبقي نفس
دة ولكن بالعربي يعني كنت هاكتب
نيفر تراي تو كراي الخ
لذا فضلت الانجيلزية
مع اني من اشد المعارضين للذين يستبدلون في كلامهم كلام انجليزي
وانا لسة بردة عند كلامي الغة ماوصلتش للمنحني الخطبير زي المسرحية بالطبط
ممكن تكون باظت بس مش للدرجة دي صدقني
لاني بقول دة وانا في جامعة خاصة انجيلزي ومعظم الزملة مدارس لغات ودبلومة امريكية وثانوية بريطانية
ومع ذالك كلمهم بدردو موصلش للدرجة الهزيلة دي
وتقبل مروري
وشكرا

لا اعتقد ان خطر دخول بعض المصطلحات الاجنبيه فى اللغه العربيه خطير الى هذا الحد
الخطر الحقيقى
هو اللغه العربيه
بمعنى اللغه الدرجه اكثر من الازم هيا اخطر من اللغه الاجنبيه

انت تستطيع ان تتحكم فى نفسك عندما تتكلم ببعض المصطلحات الاجنبيه فى اللغه العربيه

وسؤالى
هل تستطيع ان تتحكم فى اللغه الدرجه التى تعودت ان تتحدث بها سنين
وكل يوم تزداد اللغه خلاعه وانحدار

وكانت مشاركتى الاولى لالفت نظرك الى هذه الحقيقه
انتظر ردك

قشطه يامان
متعود بقى

سلامى

اولا ياسيد herox ما معنى هذا الاسم وان كان له معنى هل لا يوجد فى اللغة العربية معنى مثله وانا متيقن ان اللغة العربية فيها من المعانى الكثيرة التى تغطيى على جميع الغات فى افضل لغة على وجه الارض لان القرءان الكريم نزل بها .

ثانيا ياسيد herox لايصح لنا ان نعرب الانجليزية بأن اكتب هيروكس لان هذا تقليل للغتنا الحبيبة

ثالثا ياسيد herox انى احب فى اوقات كثيرة ان اكتب تعليقا بالغة الانجليزية ولكن حبى للغة العربية يستوقفنى فأكتب باللغة العربية فليس كل ما يحب يفعل ولكن يوجد اشياء تطغى على هذا الحب .

رابعا ياسيد herox يوجد لى بعض اصدقائى حينما نجلس مع بعضنا البعض نكاد لا نتكلم العربية فمعظم كلمنا يكون عبارة عن رتوش من العربية فكثير من الناس اراهم على هذا ولكن هذا يضايقنى لاننا كلنا عرب .

اخي لا اعرف الصغير ام الكبير ولكن
انت مع اصدقائك انا لا اكون بيينكم لاعرف ماتقلون اما انا مع اصدقائي اعرف ما نقول لذا فا انا اتحدث من جانبي ومن خلال حياتي انا
وانت تتحدث من خلال حياتك
لذا نحن مختلفان في الراي فقط
والاختلاف في الري لا يفسد للود قضية
لذا من المحتمل ان انا اكون علي صواب او تكون علي صواب
او يكون كلانا
تقبل مروري
بالمناسبة هيرو اكس تعني البطل اكس
وشكرا