رفع معنويات

الموضوع ده انا جبته مخصوص لطلبة كفر الجمال وخاصة اللى فى اعدادى هندسة
بسم الله
الرحمن الرحيم

قسم مساحة هو أكثر قسم مظلوم و مش واخد حقه فى الكلية،
و ده ناتج عن عدم فهم الأغلبية لشغل القسم و الدراسة فيه، و طبعا أنتم عارفين اللى
بيتقال " أنا أدبلر و مخشش مساحة "

أول حاجة لازم نكون متفقين عليها
أن مفيش قسم فى هندسة شغله وحش، و أن الأنسان المتميز دايما هو اللى بيفرض نفسه على
أى حد فى سوق العمل، يعنى لما تفكر تختار قسم، أختار قسم تحس أنك هتبدع فيه، و
هتفهمه كويس، و هتكون مستريح و انت بتدرسه.

تانى حاجة ، موضوع تقدير الأقسام
ده راجع لرغبات الطلبة فى السنة نفسها، يعنى مثلا السنة اللى قبل اللى فاتت كانت
عمارة واخدة تقدير قريب جدا من أتصالات، و أعتقد أنه كان أكبر من تقدير كهرباء
باور، و من 3 أو 4 سنين، كانت كهرباء مش أعلى حاجة فى
التقدير.

-----------------------------------

قسم مساحة بكلية
هندسة شبرا، هو الوحيد فى الشرق الأوسط، أما باقى مهندسى المساحة، بيكونوا من
خريجين قسم مدنى

و مهندس المساحة بيشتغل فى مجالات كثيرة جدا منها
- رفع
الخرائط
- تقسيم الأراضى
- تحديد قياسات الأراضى و المبانى
- GPS و ده
نظام بدء ينتشر حديثا لتحديد المواقع و الطرق و الخرائط، و منتشر حاليا بالعديد من
الدول المقدمة، و أصبح من أهم الملحقات بالسيارات و التليفونات المحمولة
- تحديد
المواقع ، يعنى مثلا لو طلع صاروخ من الأرض للقمر، مهندس المساحة هو المسؤل عن
تحديد موقعه و مكان نزوله على القمر
- تحديد مدارات الأقمار الصناعية
- قياس
مناسيب الأراضى
- تسوية الأراضى
- أعمال الطرق
- أذن فمهندس المساحة
بيشتغل فى أى مجال له علاقة بتحديد المواقع، الأراضى، الأرتفاعات،
........

فى سنة أولى مساحة بندرس:
الترم الأول :
1-
مساحة: تدرس فيها أساسيات المساحة و قياس مناسيب الأرض، و رفع الخرائط بطرق بدائية،
و خرائط الكنتور، و أعمال الحفر و الردم

2-فيزياء: بتدرس فيها الضوء و
العدسات و الليزر (منهج ميختلفش كتير عن باب الضوء و العدسات فى فيزياء 3 ثانوى، و
بتكون أخر سنة بتدرس فيها فيزياء)

3- رسم و هندسة رى : بيترس
فيها بعض رسومات الترع و المجارى المائية و أساليب الرى و تصريف المياه،
...

4- رياضيات

5- كمبيوتر : بتدرس فيه (Flow Charts) و
(Basic)

6- لغة (أنجليزى)

الترم الثانى :
1- مساحة
: بتدرس فيها (التيدوليت)، و (و التيكوميترتة) و المضلعات، و حساب أخطاء القياس، و
أستنتاج الأضلاع الناقصة ( و دى كلها مواضيع سهلة)

2- رياضيات

3-
مبانى و مواصفات و كميات : و بتدرس فيها مبادئ عن المبانى، و الكميات و الموصفات
اللازمة للبناء

4- أرصاد جوية

5- جيولوجيا

6- Structure
: و دى مادة من مدنى، و شبه الMechanics

أتمنى أنى أكون وضحت القسم بما فيه
الكفاية و بالتوفيق لجميع طلبة أعدادى أن شاء الله

الأخ أو الابن هاكر
طبعا يهمني في المقام الأول أن أوضح لك ما يلي :
خريج المساحة هو أكثر خريج يجد فرصة عمل بسرعة لأنهم مطلوبين جدا داخل و خارج مصر
كما أن عدديتهم قليلة جدا بالنسبة لحاجة سوق العمل ...لذا فهم ندرة

يعني إذا كنت تفكر في السفر خارج مصر بسرعة فالمساحة هي أكثر تخصص مطلوب في دولة مثل السعودية

و طبعا كل قسم له ميزاته و عيوبه ...لكن المهم هو ميول الشخص و ظروفه و استعدادته

سأعود للكتابة عن هذا الموضوع لاحقا
و المعذرة لضيق الوقت
وفقكم الله و السلام عليكم

اه والنبي يا باشمهندس قلهم لان الجماعه مش عارف مش مستلطفين مساحه مافيش غير احمد ياله ربنا يوفق الجميع