زى النهارده : 8-4-1970 ....مأساة مدرسة بحر البقر

زى النهارده .........

كانت مدرسة بحر البقر تفتح ابوابها

لاستقبال تلاميذ المرحلة الابتدائية

ولم يكن التلاميذ يعلمون انه اليوم الاخير ......لهم ..... ولمدرسيهم

ثم لم تكن الا سويعات معدودات .....

وكانت الاشلاء تتطاير فى الهواء .......

[ندعوك للتسجيل في المنتدى أو التعريف بنفسك لمعاينة هذا الرابط]

وترجم هذه الاحداث

الرائع صلاح جاهين فى كلمات خالدة :

كتب صلاح جاهين رائعته

قصيدة ( الدرس انتهى لموا الكراريس )

مسجلاً لمجزرة بحر البقر في ذاكرة الشعر العربي والأغنية العربية

ولحنها الموسيقار سيد مكاوي

ليحملها صوت الفنانة شادية :

قصيدة الدرس انتهى لموا الكراريس

الدرس انتهى لموا الكراريس

بالدم اللى على ورقهم سال

في قصر الامم المتحدة

مسابقة لرسوم الاطفال

ايه رايك في البقع الحمرا

يا ضمير العالم يا عزيزى

دى لطفلة مصرية سمرا

كانت من اشطر تلاميذى

دمها راسم زهرة

راسم راية ثورة

راسم وجه مؤامرة

راسم خلق جبارة

راسم نار

راسم عار

ع الصهيونية والاستعمار

والدنيا اللى عليهم صابرة

وساكتة على فعل الاباليس

الدرس انتهى

لموا الكراريس

ايه رأى رجال الفكر الحر

في الفكرة دى المنقوشة بالدم

من طفل فقير مولود في المر

لكن كان حلو ضحوك الفم

دم الطفل الفلاح

راسم شمس الصباح

راسم شجرة تفاح

في جناين الاصلاح

راسم تمساح

بالف جناح

في دنيا مليانة بالاشباح

لكنها قلبها مرتاح

وساكتة على فعل الاباليس

انتهى الدرس

لموا الكراريس

ايه رايك ياشعب ياعربى

ايه رايك يا شعب الاحرار

دم الاطفال جايلك يحبى

يقول انتقموا من الاشرار

ويسيل ع الاوراق

يتهجى الأسماء

ويطالب الاباء

بالثأر للابناء

ويرسم سيف

يهد الزيف

ويلمع لمعة شمس الصيف

في دنيا فيها النور بقى طيف

وساكتة على فعل الاباليس

[ندعوك للتسجيل في المنتدى أو التعريف بنفسك لمعاينة هذا الرابط]

الدرس انتهى

.

شكرا يا استاذنا العزيز

نعم هذة الماساة لا تنسى ولا ارانا الله مثلها مرة اخرى

وندعو للشهداء بالمغفرة