| | سلسله قصص حصاوى؟؟؟؟؟؟؟؟؟؟؟؟ |  |
|
|
| كاتب الموضوع | رسالة |
|---|
حديث الروح
عضو محترف
 عدد الرسائل : 504
نقاط : 0
تاريخ التسجيل : 03/12/2007
|  موضوع: سلسله قصص حصاوى؟؟؟؟؟؟؟؟؟؟؟؟ الجمعة 18 يناير - 16:41:33 | |
| بسم الله الرحمن الرحيم
كتب : لينين الرملي
(حصاوي علي المقهي يقرأ الصحيفة)
حصاوي: قريتوا الخبر ده؟ لقوا قطعة نقدية من عصر كليوباترا
وعليها صورتها وشكلها وحش يعني عكس ما كنا فاكرين خالص.
-احمد: فعلا كل اللي مكتوب عنها أنها كانت جميلة
وعشان كده وقع مارك انطونيو في غرامها.
حصاوي: مش دا معناه أننا لازم نراجع التاريخ؟
-صالح: انهي تاريخ؟
-محمد: كل التاريخ مره واحدة؟ دي حاجة تقلق.
حصاوي: تقلق ليه؟
-احمد: إحنا فهمين الواقع اللي أحنا عايشينه عشان ندور ع الماضي؟
-صالح: ما بلاش نتكلم ع الماضي. دا الماضي دا كان كله جراح.
-محمد: كلمني عن بكره وأبعد عن أمبارح, بخاف من الذكري وسهمها الجارح
حصاوي: بس أنا عايز أقول...
-احمد مقاطعا) لا تقول ولا أسمع, هو اللي فات يرجع؟
حصاوي: لأ ما يرجعش, لكن لما نفهم اللي فات, نعرف اللي إحنا فيه, وبالتالي نعرف نعمل إيه عشان نخلي بكره أجمل.
-صالح: وأفرض اكتشفنا ان تاريخنا فيه حاجات كتير وحشه وكنا فاكرينها كويسة مش دا يعمل صدمة؟
حصاوي: جايز. لكن لما نعرف الحقيقة أحسن ما نعيش واحنا جاهلينها.
-محمد: فال الله ولا فالك يا أخي. أفتكر خير, ليه ما تقولش العكس؟ يعني لما نراجع التاريخ نلاقي فيه حاجات كتير كويسة وكنا فاكرينها وحشة.
حصاوي: جايز طبعا.
-احمد: خلاص نراجع الحاجات الوحشة في تاريخنا يمكن نلاقي أنها كويسه واحنا ما نعرفش.
حصاوي: ما اختلفناش بس المفروض نراجع كل شئ, الكويس والوحش.. عشان نعرف الصح من الغلط.
-صالح: سيبوا التاريخ في حاله لأن فيه وجهات نظر مختلفة وعمرنا ما نتفق عليه. خلونا نراجع الحقائق اللي في حياتنا ونشوفها صح أو غلط.
حصاوي: تقصد إيه؟
-محمد: أول حاجة لازم نراجعها, نحاول نتأكد إذا كانت الأرض بتلف حوالين الشمس ولا لأ.. مش جايز تكون الشمس هي اللي بتلف حوالينا والعلماء فهمونا غلط؟
(حصاوي يغشي عليه في الحال)
ستار
منقولة من جريدة الأهرام حديث الروح للارواح يشكى وتدركه القلوب بلا عناء حديث الروح | |
|
| | |
الرقة الجارحة
مجلة الأمل
 عدد الرسائل : 674
العمر : 34
الموقع : مدينة بلا عنوانِِ
نقاط : 78
تاريخ التسجيل : 29/11/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ الجمعة 18 يناير - 17:20:18 | |
| | |
|
| | |
احمد مصطفي
عضو نشيط
عدد الرسائل : 56
نقاط : 0
تاريخ التسجيل : 22/11/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ الجمعة 18 يناير - 17:57:14 | |
| موضوع جميل
وكنت من اكثر الناس متابعه ليوميات حصاوي والكاتب لينين الرملي في ملحق الجمعه لجريدة الاهرام
وهي بمثابه نقد ساخر لاوضاع المجتمع المصري باسلوب فكاهي
ودائما كان يغمي علي الاستاذ حصاوي في نهايه الحال
شكرا لك ونتمني المزيد | |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ الجمعة 18 يناير - 19:21:20 | |
| | |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ الجمعة 18 يناير - 19:24:06 | |
| - احمد مصطفي كتب:
- موضوع جميل
وكنت من اكثر الناس متابعه ليوميات حصاوي والكاتب لينين الرملي في ملحق الجمعه لجريدة الاهرام
وهي بمثابه نقد ساخر لاوضاع المجتمع المصري باسلوب فكاهي
ودائما كان يغمي علي الاستاذ حصاوي في نهايه الحال
شكرا لك ونتمني المزيد يادى الهنا شرفتنا وهنئتنا يادى النور انستنا ونورتنا استاذ احمد لك الف الف تحيه لك الف الف شكر على مرورك انتظر منى هذه الاسبوعيات مع حديث حصاوى اغماء ل حديث الروح | |
|
| | |
herox
مشرف المنتدى السياسى والاقتصادى
عدد الرسائل : 1609
العمر : 34
الموقع : في بلدنا
نقاط : 70
تاريخ التسجيل : 13/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ السبت 19 يناير - 21:17:01 | |
| يلا ورينا همتك وهات بقيت اليوميات
انا اول مرة اقراها وعجبتني جدااااااااااااااااااااااااااااااااااا | |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ السبت 19 يناير - 21:22:28 | |
| - herox كتب:
- يلا ورينا همتك وهات بقيت اليوميات
انا اول مرة اقراها وعجبتني جدااااااااااااااااااااااااااااااااااا من عنياااااااا الاتنين انتظرنى | |
|
| | |
HABIBBOND
نائب المديرالعام
عدد الرسائل : 5664
الموقع : كوكب عطارد وانت جاى من زحل على ايدك اليمين
نقاط : 3356
تاريخ التسجيل : 18/10/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ السبت 19 يناير - 21:34:41 | |
| يوميات حصاوي
جميله جدااا و خصوصا لما تكون لكاتب ساخر
زى لنين الرملى
بس ياريت لو تكون كل يوم
مش هيا يوميات بردو ولا ايه ؟
تحياتى لك
وسلام الله عليكم ورحمته وبركاته
HABIBBOND | |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ السبت 19 يناير - 21:39:26 | |
| - HABIBBOND كتب:
يوميات حصاوي
جميله جدااا و خصوصا لما تكون لكاتب ساخر
زى لنين الرملى
بس ياريت لو تكون كل يوم
مش هيا يوميات بردو ولا ايه ؟
تحياتى لك
وسلام الله عليكم ورحمته وبركاته
HABIBBOND
حبيبى
حبيب بوند
هيا اسبوعيات
منا ياعم الهندسه مش قدك
انا يدوبك احتكم على 10 او 15 حلقه
انت اللهم زيده
جمبهم صفر
مش بحسد انا .........
شكرا لمرورك نورتنى
سلامى لك
اشوفك على خير
حديث الروح | |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ الجمعة 25 يناير - 3:29:57 | |
|
حصاوي: ـ ماشاء الله يا تامر. يعني هتطلع أحسن من أبوك. هاها
الصديق: يارب ـ ويحقق كل اللي أنا مقدرتش أحققه.
حصاوي: طب بالمناسبة دي بقي ناوي تطلع إيه يا تامر لما تكبر؟
تامر: اطلع فتان
حصاوي: إيه ؟ ازاي يعني ؟
تامر: افتن علي الناس
حصاوي: تفتن عليهم لمين؟
تامر: معرفش بس اللي يديني فلوس أكتر طبعا.
الصديق: أصل الموضوع له أصل. احكي لي يا تامر المدرس طلب منك إيه.
تامر: طلب مني أفتن ع التلاميذ زمايلي اللي يتشاقوا ويعملوا زيطه وهو مش موجود في الحصة.
حصاوي: ليه بيبقي موجود فين؟
تامر: بيروح يدي دروس خصوصية في البيوت. كتبت له أسامي اللي بيتشاقوا. والمدرس عاقبهم كلهم. وبالذات الواد صفوت أدي له حته علقة بالمسطرة.
حصاوي: دا أكتر واحد بيشاقي؟
تامر: لأهو بيقعد ساكت. بس بصراحة دمه تقيل علي قلبي يا أونكل.
حصاوي: لأيبقي يستاهل. وبعدين؟
تامر: المدرس انبسط مني واداني أعلي نمرة وجاب لي شيكولاتايه هدية.
تامر:( لصديقه) وانت فرحان بابنك؟
الصديق: وليه لأ؟ ما دام العيال بيشتاقوا ما يفتنش عليهم ليه ؟ هو فيه تعليم ينفع في زيطه ودوشه؟ والأهم أن إبني طلع الأول.
حصاوي: قولي يا تامر. المدرس ما طلبش منك تكتب أسامي العيال اللي أولياء أمورهم ضد مجانية التعليم؟
تامر: لا. مش فاهم. يعني إيه؟
حصاوي: بكرة لما تكبر هتفهم وتكتب أسامي كل الكبار اللي بيتشاقوا ويعملوا دوشه.
تامر: ويدوني شيكولاته؟
حصاوي: شيوكلاتة وكراملة كمان.
(بعد فترة يزور حصاوي صديقه فيشكو له بحزن)
الصديق: العيال اللي كانوا بيتشاقوا أتعلموا الأدب. قام المدرس أداهم إجابة الامتحان وخدوا كلهم الدرجة النهائية والمفتش كتب تقرير كويس في المدرس قام عمل حفله للولاد ووزع عليهم شيكولاتة وكرامله
حصاوي: طب وأنت إيه اللي مزعلك؟
صديق: أبني مابقاش الأول عليهم
(حصاوي يغشي عليه في الحال)
| |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: كمان واحده ان شالله محد حوش الجمعة 25 يناير - 3:31:23 | |
| المسرحية فى فصل واحد و مشهد واحد
الشخصيات حصاوى:مواطن مطحون مضطهد مغلوب على امره أُصيب بغيبوبة لسنوات طويلة ثم أفاق فلم يفهم اى شيئ فى الحياة
المثقف:صديق قديم لحصاوى تذكر حصاوى بعد ان استفاق و وجوده يبين الفرق الثقافى بين المستفيق حديثا من الغيبوبة و الذى ظل متعرضا لتأثير وسائل الاعلام الحكومية طوال كل تلك الفترة
===============================================
نص المسرحية
فتح الستار
دخل حصاوى المقهى فوجد مثقف ينتظره و فى يده صحيفة أجنبية ثم بادره بسؤال
*مثقف: فاكر يا حصاوى الست الخوجاية اللى انت قبلت ان تقابلها منذ نحو سنة
+حصاوى:فكرنى ..ست مين؟
*مثقف:الولية اللى شافت عربجى بيضرب حماره الحصاوى المحترم فى الشارع فصعب عليها الحصاوى و قعدت تلطم و اتخانقت مع العربجى و شتمته!
+حصاوى: ايوة افتكرت . و انا قولت لها بالامارة " إن العربجى مسكين اكتر من الحصاوى و بيشتغل اكتر منه كمان و بيتعب اكتر منه و عليه مسئولية اكتر"
*مثقف: أتاريها بعد ما رجعت بلدها قَوِمِت الدنيا و اتصلت بجمعيات حقوق الحيوان و جمعيات الرفق بالحيوان و نشرت الحادثة فى الصحافة المعادية للبلاد فى امريكا و اوروبا و طالبت هذه الدول بقطع المعونة عننا لحد ما ندى للحمير الحصاوى كل حقوقها العادلة
+حصاوى: ياه! ما يا ترى ما جبتش سيرتى؟
*مثقف: جابت.... قالت انك و لا مؤاخذة الحمار الحصاوى الوحيد اللى ما يستحقش اى حقوق .. لانك ناقشتها مناقشة حامية مدافعا عن العربجى بدلا من الدفاع عن اخوتك الحمير الغلابة!
+حصاوى: ما علينا .. و بعدين؟
*مثقف: الرجل العربجى وصلته عشرات الانذارات من جمعيات الرفق بالحيوان و حقوق الحيوان فى اوروبا و امريكا و رفعوا عليه عشرات القضايا فى محكمة العدل الدولية
+حصاوى: للدرجة دى؟؟
*مثقف: طبعا انت عارف ان اليمينيين و المحافظين الجدد هم اللى مسيطرين على الدول دى و بيستغلوا الكلام ده لتحقيق مصالحهم و للتشنيع علينا و التنفيس عن احقادهم علينا! فقعدوا يكتبوا اكاذيب عن اننا بنشغل الحمير أكتر من ساعات العمل الرسمية و مش بنأمن عليهم و بنعاملهم معاملة حيوانية تحط من قدرهم و بنعذبهم و نهينهم و نهين معتقداتهم و نحبسهم فى زرايب قذرة ضيقة عليهم و بنمنعهم من بناء زرايب جديدة ..إلخ
+حصاوى:و بعدين العربجى عمل ايه !
*مثقف: الرجل غلبان قوى . لقى احسن طريقة يفصل الحمار اللى جايبله وجع القلب ده و يطرده من الزريبة و بكدة يخلص نفسه من مشاكله دى كلها
+حصاوى:ياحرام؟ و الحمار عمل ايه؟
*مثقف: هيعمل ايه يعنى! مات فى الطل من الجوع
+حصاوى: زعلتنى
*مثقف: و العربجى اغلب منه لانه خلاص ح يموت من الجوع هو كمان
+حصاوى: لا حول و لا قوة الا به هو. و بعدين!
*مثقف:الست الخوجاية رجعت مصر و معاها مسئولين كبار فى الخارجية الامريكية و فى منظمات حقوق الحيوان و الجمعيات الاهلية للدفاع عن حقوق حمير العالم و سألوه فين الحمار يا مجرم؟ رد انه عرف غلطته خلاص و إدى للحمار حريته فبرطع لوحده و ما رجعلهوش تانى فضميرهم استريح على طول و الرجل العربجى رغم فقره وراهم الكرم العربى الاصيل بصحيح و عمل لهم عشا و اكلوا و انبسطوا و قالوا ح نرجع مصر تانى لانها بلد عربية عظيمة و فيها وعى حضارى و كرم اصيل
+حصاوى: استنى هنا يا مثقف يا اخويا . هو انت مش بتقول ان العربجى فقير و غلبان طب منين جاب حق العشا الفاخر؟
*مثقف : اهو ده الشيئ اللى مش عارفله اجابة ؟؟ ده عشاهم لحمة مشوية حمراء مفتخرة و قالوا احنا عمرنا ما دقنا لحمة بالجمال ده دى لذيذة قوى و طرية
+حصاوى: اوعى يكون دبح الحمار الحصاوى الغلبان و اكلهم لحمه
*مثقف: دا اللى اكتشفوه بعدين بس بعد ما اكلوا و استطعموا و شبعوا
+حصاوى : و بعدين عملوا ايه؟
*مثقف: و ح يعملوا ايه يعنى مقدروش يعملوا اى حاجة علشان هم كمان متورطين الى حد ما فى الجريمة هم مش كلوا معاه من لحمة الحمار و عجبهم طعمه كمان . دى الست الخوجاية عملت صفقة مع العربجى يورد لها حمير لبلدها بس اشترطت ان الحمير ما تتعرضش لاى تعذيب او اهانة للمعتقدات قبل ما تندبح . و العربجى وافق بس بشرط هو ان الحمار من دول ما يندبحش الا بعد ما يسموا عليه علشان لحمه يبقى حلال مذبوح
+حصاوى: و الخوجات وافقوا؟
*مثقف: ايوة وافقوا و قالوا انهم بيحترموا ديننا الحنيف و عاداتنا الاسلامية الاصيلة و تقاليدنا العربية الضاربة فى عمق التاريخ بس صمموا ان الدبح يتم هنا بس علشان يستوردوا اللحمة جاهزة للاكل بمعرفتنا و طبعا عم العربجى انبسط اكثر لان الصفقة كدة بقت اربح له
+حصاوى: يعنى العربجى الغلبان كون ثروة و بقى من رجال الاعمال
*مثقف: فعلا و فى غمضة عين اخذ قروض حسنة من البنك و كون شركة لتوريد الحمير لما وراء البحار و لكن للاسف اتعثر فى تسديد القروض الحسنة
+حصاوى: ليه؟بقى؟
*مثقف: اصله بعد ما اتفق على توريد كمية كبيرة جدا من لحم الحمير بسعر كويس على كل حمار يحقق له ربح وفير الحمير ثمنها ارتفع بشدة لان عددها قل
+حصاوى : و ايه السبب؟
*مثقف: ما احنا داخلين على شهر رمضان و كل سنة و انت طيب و دا موسم يرتفع فيه سعر الحمير
+حصاوى: و الراجل العربجى مصيره ايه دلوقتى
*مثقف: اتجنن فى عقله و جت له لوثة و بقى ماشى يهلوث و يدور على اى حمار ملوش صاحب و هب يدبحه و لا من شاف و لا من درى و يبقى حادث فردى ملهوش اى شبهة عدائية للحمير
+حصاوى: مسكين قوى الجدع العربجى الغلبان ده انا كان رأيى من الاول ان العربجى هو اللى غلبان مش الحمار الحصاوى ابدا
*مثقف: انت طيب قوى يا حصاوى القلوب عند بعضها شوف ان صعبان عليك الراجل ازاى و هو كمان كل شوية يفوت على القهوة و يسألنى ما شفتش حصاوى صاحبك فأقوله زمانه جاى اقعد استناه فيقولى راجعله تانى
حصاوى يصاب بحالة من الزعر و يظل يجرى و يسقط الى ان يصاب بالغيبوبة مرة اخرى | |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ السبت 2 فبراير - 12:07:34 | |
| السلام عليكم ورحمة الله وبركاته
أهرام الجمعة - ملحق أيامنا الحلوة 10يونيو2005
حصاوي جالس بالمقهي يدخل عليه رجل من معارفه)
الرجل: مالك متضايق ليه؟
حصاوي: عندنا مشاكل كتيرة.
الرجل: مش مشكلة.
حصاوي: إزاي بقي؟
الرجل: كل المشاكل بتتحل.
حصاوي: تتحل إزاي؟
الرجل: بأي حل.
حصاوي: وايه هو أي حل؟
الرجل: هنعرفه لما يحصل ما تستعجلش. العجلة في الندامة.
حصاوي: لما نقعد ساكتين والمشكلة هتفضل تكبر.
الرجل: ما تكبر دي سنة الحياة. العيال بتكبر, والزرع بيكبر والبيوت بتكبر. حتي الأفكار بتكبر.
حصاوي: المشكلة لما تكبر بتتحول لكارثة.
الرجل: يتهيأ لك.. لأنك بمرور الوقت بتتعود علي المشكلة, ولما تكبر وتبقي كارثة ما بتاخدش بالك أنها كبرت.
حصاوي: وليه ما نفكرش في حل لمشاكلنا؟
الرجل: أنت مش فاهم يا حصاوي. أهم مشكلة عندنا هو التفكير نفسه, والتفكير بالذات أكتر مشكلة ما لهاش حل, أو بمعني أصح حلها الوحيد أننا ما نفكرش ما هو لما ما نفكرش مش هنعمل حاجة في أي مشكلة.
الرجل: مش معني أننا ما نعملش حاجة أن المشكلة مش هتتحل.
حصاوي: مش فاهمك. هتتحل لوحدها؟
الرجل: أيوه. لأن كل شئ له نهاية ولا دايم إلا وجه الله عز وجل.
حصاوي: يعني عندنا مشكلة اقتصادية, علينا ديون متلتلة والموارد مش كافية.
الرجل: خليك في نفسك ومشكلتك, هو أنت مسئول؟ دي شغلة المسئول.
حصاوي: أنا نفسي مشاكلي أكتر من مشاكل البلد, عاطل مش لاقي شغل وماعنديش مورد أكل منه وعليا ديون برضه ومش فاهم حاجة من اللي بتحصل حواليا.
الرجل: لما تقعد كتير عاطل هتتحل أقولك ليه؟ لأنك ساعتها هتقبل بأي عمل يتعرض عليك وما تقوليش أنك مش لاقي تاكل, بذمتك أنت عمرك نمت جعان؟
حصاوي: حصلت:
الرجل: مرة ولا اتنين يعني مش قاعدة, وما دام صحيت تاني يوم ومشيت علي رجليك يبقي ما نمتش جعان, لكن في العادة مشكلة الأكل بتتحل حد من الجيران بيديك الأكل بايت, تستلف جنيه تشتري بيه ساندويتش فول, ربنا بيبعت لك عزومة ما كانتش منتظرها.
حصاوي: والديون اللي عليا؟
الرجل: اتسجنت بسببها؟
حصاوي: لأ لكن ممكن في يوم أتسجن.
الرجل: ساعتها يبقي ضمنت تلات وجبات في اليوم وما بقاش عليك ديون وفي السجن ممكن يشغلوك ويدوك أجر.
حصاوي: لحد دلوقت ربنا بيسترها, لكن فيه بلاد تانية بيحصل فيها مجاعات والناس بتبات فعلا من غير عشا.
الرجل: الأمم المتحدة مش بتتدخل وتبعت لها معونات؟
حصاوي: أيوه. بس بعد مافيه ناس بتموت من الجوع دا حل.
حصاوي: الموت حل؟
الرجل: هو اللي بيموت بيحس بحاجة؟ ولا بعد الموت فيه مشكلة؟ يدوب مشكلة الدفن ودي مش مشكلة.. حفرة مترين في نص متر.
حصاوي: أهله بيحسوا وبيحزنوا.
الرجل: دي مش مشكلة, ومع ذلك في يوم في شهر في سنة بينسوا لأن الحي أبقي من الميت: والموت كاس وداير ع الجميع يبقي إيه المشكلة؟
حصاوي: يعني نسيب الأمور تمشي كده واحنا نقعد نتفرج عليها؟
الرجل: دا اللي يطول العمر لأنه بيجنبك الحزن والقلق, اللي مقدر هيكون واللي تخاف منه ساعات ما يجيش أحسن منه.
حصاوي: دي سلبية, لايمكن الانسان يقعد ساكت متفرج.
الرجل: مش أنت اللي بتقول فيه مشاكل ومش قادر تحلها؟
حصاوي: أيوه.
الرجل: ومش أنت بتقول لازم نفكر.
حصاوي: أيوه.
الرجل: ومش أنت بعد ما بتقول كده مش بتفكر, بدليل أنك مش لاقي حل؟
حصاوي: أيوه.
الرجل: وأنا عايز أريحك أبقي غلطت؟
حصاوي: معني كلامك ده أني أروح أموت لأن ده أحسن حل.
الرجل: هاهاي, وأنت فاكر أنك عايش؟
(حصاوي يغشي عليه في الحال)( ستار) | |
|
| | |
الرقة الجارحة
مجلة الأمل
عدد الرسائل : 674
العمر : 34
الموقع : مدينة بلا عنوانِِ
نقاط : 78
تاريخ التسجيل : 29/11/2007
| |
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ السبت 2 فبراير - 21:18:28 | |
| - الرقة الجارحة كتب:
- حديث الروح كتب:
حصاوي: معني كلامك ده أني أروح أموت لأن ده أحسن حل.الرجل: هاهاي, وأنت فاكر أنك عايش؟ ايوة صح كدههو فاكر انه عايش اصلا  حديث الروح  شكرا جدا لك علي يوميات حصاويواستمر.....احنا متبعينوشكرا لك مرة تانية شكرا ليكى جدا لمرورك تشجيعك ساستمر واتمنى قراءه مفيده مضحكه شيقه سلامى لكى رقتنا لكن لا اعتقد انها جارحه | |
|
| | |
حديث الروح
عضو محترف
عدد الرسائل : 504
نقاط : 0
تاريخ التسجيل : 03/12/2007
| | موضوع: رد: سلسله قصص حصاوى؟؟؟؟؟؟؟؟؟؟؟؟ الجمعة 8 فبراير - 15:35:13 | |
|
كتب:* لينين الرملي
(لاحظ حصاوي أحد الشبان من الزبائن يجلس ساهما فاقترب منه)
حصاوي: مالك قاعد مسهم وبتنفخ؟ا
لشاب:عادي.
حصاوي: عادي ازاي يعني؟
الشاب: الحياة وحشة قوي.
حصاوي: جايز.
الشاب: مش جايز.. دي الحقيقة.
حصاوي: من وجهة نظرك.
الشاب: لأ دي وجهة نظر الكل..أنا ما بقعدش مع حد إلا ويقول لي الحياة بايخة وكئيبة ما فيهاش حاجة عدلة.
حصاوي: الظاهر أنت اللي عندك اكتئاب وعشان كده شايف إن كل حاجة سودة.
الشاب: قديمة.. أنا ما عنديش اكتئاب.. أنت بس مع الحكومة عشان كده بتقول إن كله تمام.
حصاوي: أنا ما قولتش إنه كله تمام.. ومافيش سببيخليني أبقي مع الحكومة لأنها ما ادتنيش حاجة.
الشاب: تبقي لسه طمعان يدوك حاجة.
حصاوي: الحكومة تدي واحد تافه زيي ليه؟
الشاب: تبقي خايف منها.
حصاوي: الحكومة ما تخوفش قوي للدرجة دي.
الشاب: تبقي مابتحسش.
حصاوي: الله يسامحك.. بس خلي بالك أنا اللي حسيت بيك وجيت سألتك مالك.
الشاب: وانت مالك؟
حصاوي: أنت ليه واخد موقف مني معأني مش ضدك؟
الشاب: عشان انت الوحيد اللي بتتهمني إن عندي اكتئاب.
حصاوي: أولا دا مش اتهام.. دا مرض وممكن يصيب أي حد.. لكنما حدش من صحابك مع إنهم بيحبوك خد باله إن عندك اكتئاب.
الشاب: يعني انت ماعندكش مشاكل؟
حصاوي: عندي مشاكل الدنيا.. مش بشتغل ومش مبسوط ومش شايف حواليا حاجة عدلة.. ولا ناس كتير تبل الريق.
الشاب: هاهاي تبقي انت اللي مكتئب.
حصاوي: أنا مكتئب بس ما عنديش اكتئاب.. ودا فرق كبير.
الشاب: لأ فهمني دي.
حصاوي: الاكتئاب أنواع ودرجات..وأنا عندي درجة خفيفة.. ومادام أنا واعي بحالتي بقدر أساعد نفسي.. وأدور علي الحاجات الكويسة اللي في الدنيا..
المشكلة في اللي زيك.. اللي مش واعي إنه مكتئب.. ما تحاول تشغل نفسك بحاجة.
الشاب: ناس عرضوا عليا شغل في قرية دهب السياحية من كام أسبوع.. بس ما ليش نفس.
حصاوي: غلطان لازم تعمل المحاولة.. فشلت أهو أديك اتفسحت وشفت مكان جديد.. وبعدين انت مش محتاج تشتغل عشان تجيب فلوس؟
الشاب: أيوه أجيب فلوس لأخواتي الصغيرين.. أبونا مات ومافيش حد يصرف عليهم غيري.
حصاوي: غلطان.. دا سبب أدعي إنك تشتغل إنشاالله في المجاري.(الجرسون يقترب منهما بسرعة)
الجرسون: شفت الليحصل يا أستاذ حصاوي.. التليفزيون ذاع دلوقت إنه حصل3 انفجارات في دهب وناس يامااتقتلت وناس انصابت.
حصاوي: لا حول ولا قوة إلا الله.
الشاببذعر) شفت.. شفت.. كنت هروح أموت هناك
.حصاوي: طب هدي نفسك.
الشاب: وتقولي الحياة كويسة؟
حصاوي: خوفك وفزعك دا معناه إنك لسه متمسك بالحياة.. ودا مؤشر إن حالة الاكتئاب عندك ممكن علاجها.. فيه اكتئاب بيخلي الواحد يأذي نفسه.
الشاب: انت مش عارف حاجة.. أنا كان معروض علياأروح دهب عشان أفجر نفسي هناك.. منها أسيب قرشين لأخواتي ومنها أحرر سينا من الكفار!
دلوقتي أعمل إيه؟ قلت لك الحياة وحشة ما صدقتنيش!
(حصاوييغشي عليه في الحال)
(ستار)
| |
|
| | |
| | سلسله قصص حصاوى؟؟؟؟؟؟؟؟؟؟؟؟ | |
|
