منتدى شباب كفر الجمال
مرحبا بك أيها الزائر الكريم ...أبو حبيب يرحب بك في منتدى شباب كفر الجمال...
و يشرفنا أن تقوم بالتسجيل لتتمكن من الاطلاع على جميع أقسام المنتدى....

منتدى شباب كفر الجمال

 
الرئيسيةالبوابةمكتبة الصورس .و .جبحـثالتسجيلدخول
الآن  وبعون الله تعالى   المنتدى على سيرفر جديد www.elgemal.net

شاطر | 
 

  # هل ستكون اخر فرصة #

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed habib22
عضو محترف
عضو محترف


ذكر عدد الرسائل : 360
العمر : 21
الموقع : بيت الحبايبه
نقاط : 588
تاريخ التسجيل : 23/10/2007

مُساهمةموضوع: # هل ستكون اخر فرصة #   الأحد 21 أغسطس - 19:35:01

رمضان قد قارب على الانتهاء و السوق هيقفل خلاص و اللى فاز فاز و اللى خسر خسر


و ياريت نعرف مين اللى فاز عشان نهنيه و نعرف مين اللى خاسر عشان نعزيه فى مصيبته ,


و الله العظيم مصيبة لما الشهر دة يعدى و لسة ماتغفرش لى , امتى هيغفر ليه .


معقولة يا اخى الكريم , ربك اغلق ابواب جهنم و انت واقف عمال تخبط عليها , معقولة ابواب الجنة مفتوحة و انت معرض هنا لا حول و لا قوة الا بالله .


و الله اخوانى المتبقى اقل من 10 أيام فقط 240 ساعة ممكن تكون فيهم جنتك او نارك , و لو الفرصة فاتتك ما اقدرش اوعدك انك ممكن يجيلك الفرصة تانى ,


حتى لو كنت شابا فقد يكون هذا اخر ايامك نتذكر جميعا اخونا المرحوم باذن الله غانم و نتذكر المشجع الزمالكاوى محمود حمزة و انا شخصيا خلال 6 سنين دراسة ليا 3 اصدقاء فى


نفس عمرى كلهم نفس اعمارنا ماتوا و السنة الجاية ممكن يكون الدور عليا او عليك .



خلاص مفيش و قت لازم تلحق نفسك فى الكام ساعة الباقية , هى نظرة واحدة من ربك عز و جل لن تشقى بعدها ابدا .



و الله لو نجحت و اتقبلت عند ربنا فى الايام دى هتعيش سعيد طول عمرك , هتاخد شهادة عتق من النار , و الله الموضوع خطير .



دة احنا فى الدنيا بندفع الوفات عشان اخد شهادة خبرة لا تسمن و لا تغنى فى الدنيا بنقطع بعض عشان لقمة العيش


بنموت نفسنا على لحظة سعادة رغم اننا عارفين انها متعة زائلة , بالله عليك الجنة ما تستاهلش المجهود دة


ليه فى الدنيا عايز تبقى االاول فى كل شئ فى شغلك فى مدرستك فى الكلية و عايز تبقى الاغنى و الاشهر و فى الاخرة مكسل


انا عايزك زى ما بتقاتل فى الدنيا قاتل من اجل الاخرة , بالله عليك عمرك حسيت الاحساس دة عمرك تخيلت انك الاول عند ربنا


, ليه تخلى اى شخص كائنا من كان افضل منك عند الله لو انت فى سباق فى الدنيا ولا صراع على منصب

بتبذل كل اللى بتقدر عليه ما بتنامش الليل و تشتغل كانك مربوط فى ساقية , الجنة ماتستاهلش كدة


لازم تغار على نفسك فلان مش احسن منى لازم اسابقه و اوصل لرضوان الله قبله , و فى ذلك فليتنافس المتنافسون .



الحق الفرصة قبل ما تضييع و يا عالم هترجع ولا لأ , ارجع لربك و سيفرح الله بتوبتك , و هو الغنى عن العالمين

. يالله شاهدوا روعة هذا الحديث و قل الحمد لله على نعمة الاسلام

وعن الحارث بن سويد عن عبد الله رضي الله عنه قال سمعت رسول الله صلى الله عليه وسلم

يقول لله أفرح بتوبة عبده المؤمن من رجل نزل في أرض دوية مهلكة معه راحلته عليها طعامه وشرابه

فوضع رأسه فنام فاستيقظ وقد ذهبت راحلته فطلبها حتى إذا اشتد عليه الحر والعطش أو ما شاء الله تعالى

قال أرجع إلى مكاني الذي كنت فيه فأنام حتى أموت فوضع رأسه على ساعده

ليموت فاستيقظ فإذا راحلته عنده عليها زاده وشرابه فالله أشد فرحا بتوبة العبد المؤمن من هذا براحلته

عد الى ربك و قف بالباب و مدامت واقفا فسيفتح لك باذن الله , و لن يردك الله

تذلل لربك و اعترف بالخطأ و قل له ربى و الله ما عصيتك جهلا بك او بعظمتك او بقدرتك على و ما عصيتك تعرضا لعذابك

و لكن غلبت عليا شقوتى و غلبتنى نفسى الامارة بالسوء و قد جئتك معترفا بالذنوب و مقرا بعظمتك و طامعا

فى ما عندك فاقبلنى يا رب و لا تردنى يا رب ادعوك دعاء من خشعت لك جوارحه و فاضت لك عيناه

و ذلت لك رقبته و كن على يقين و ثقة بان ربك سيقبلك لانه الكريم


ادع ربك فى الايام المباركة دى بكل اللى انت عايزه بالصحة و الرزق و الذرية الصالحة ادع الله بالعتق من النار

ادعوه بمرافقة النبى فى الجنة , ياااااااااااااه دة اانا عندى قائمة دعاء طويلة قوى ادع ربك و سيستجيب لك لانه الرحمن الرحيم ,

دة انت لو عندك قائمة مطالب عايز تقدمها لملوك الدنيا هتقف سنين عقبال لما يسمحولك بالدخول و يا عالم هتدخل فى الاخر


ولا لا و لو دخلت هيلبيلك طلب ولا لا , الحمد لله القائل و اذا سألك عبادى عنى فانى قريب اجيب دعوة الداع اذا دعانى


, فى القران الكريم كلما ورد لفظ يسألونك كانت الاجابة قل يا محمد


مثلا يَسْأَلُونَكَ عَنِ الْأَنْفَالِ قُلِ الْأَنْفَالُ لِلَّهِ وَالرَّسُولِ


لكن عندما يكون الامر متعلق برحمة الله فلا وسيط بينك و بين الله اطلب من الله مباشرة و ادعيه بقلب خاشع


شد حيلك فى العشرة الباقيين , لا بد ان تتعب و على قدر التعب و المشقة يكون الثواب ,

كل لما تتعب افتكر ان فى ناس اعتقوا خلاص و انا مش عارف اعتقت ولا لسة ,

استحملى يا نفس فان مرافقة النبى صلى الله عليه و سلم فى الجنة تستحق الكثير من التعب ,

استحملى يا نفس انا مش ضامن ان الفرصة دى تيجى تانى ,

الرجوع الى أعلى الصفحة اذهب الى الأسفل
 
# هل ستكون اخر فرصة #
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب كفر الجمال :: منتدى الفكر الاسلامي :: أهلا رمضان 1437-
انتقل الى: