نتائج الدوره الرمضانيه

كأس البطولة مقدمة من abo habib


بسم الله الرحمن الرحيم

طبعا قبل اى شىء احب اشكر الشباب الرائع الى مسئول عن تنظيم الدوره وان شاء الله هنتكلم عنهم بالتفصيل فى نهايه الدوره

السنه دى طبعا غير اى سنه لانى الدوره بتقام ليلا وكمان فى فرق كتير من خارج كفر الجمال



والفرق كتير ومتنوعه نلاقى الجيل الكبير والشباب والاطفال

اما المستويات فحتى الان فى مباريات كانت قمه فى الاثاره والجمال والروعه

والجمهور الكبير الى بيشاهد وبيشجع بكل حماس اكبر عامل فى نجاح البطوله حتى الان




ندخل بقى على المهم

البطوله متقسمه مجموعات كتيره

طبعا احنا هنتكلم على الشباب وهنبدا نذكر نتائج فرق الصغار فى الادوار النهائيه باذن الله

مجموعات الشباب فيها فرق كتير من خارج كفر الجمال

كل مجموعه تضم حوالى خمس فرق

بدايه البطوله كانت يوم 2 رمضان وكانت النتائج كالاتى


اول مباراه فى البطوله كانت بين

فريق الوعد - فريق الشروق

فريقين بكفر الجمال كانت المباره جيده وانتهت بتعادل الفريقين 1-1


المباراه الثانيه بين

فريق الاخلاص - فريق الفجر

وانتهت المباراه بفوز فريق الاخلاص بثلاث اهداف نظيفه




المباراه الثالثه كانت مباره قمه فى الروعه والاثاره

كانت بين فريقى

فريق كفر الجمال ب - فريق نامول ب





دخل فريق كفر الجمال تشكيل مكون من

حراسه المرمى مسعد ماضي

الدفاع احمد عثمان - احمد عبد اللطيف

الوسط نور - كريم ذكريا

الهجوم بوءله

المباراه كانت قويه وانتهت بتعادل الفريقين 1-1

محرز هدف بلدنا كربم ذكريا من تسديده قويه جدا


اما اليوم الثانى من البطوله فكانت نتائجه كالاتى

فريق طوخ ب - فريق كفر عابد ب

انتهت المباراه بفوز طوخ 6-3



فريق الوعد - فريق الجيل الجديد

انتهت المباراه بفوز الوعد 5-2

فريق المستقبل - فريق الفجر

انتهت المباراه بالتعادل



فريق كفر الجمال أ - فريق السفاينه

اقوى مباره فى البطوله حتى الان ولعب فريق السفاينه مباراه من العيار الثقيل جدا جدا

لكن قوه وحماس اللاعبين وتشجيع الجمهور الكبير وقفوا حائل امام طوفان السفينه

انتهت المباره بتعادل الفريقين 1-1

مثل فريق كفر الجمال

حراسه المرمى - مسعد ماضى

الدفاع كريم عبداللطيف - مصطفى ابراهيم

الوسط عماد سعيد - محمود على

الهجوم حسين

احرز الهدف محمد صبحى (بديل)

من تسدبده خادعه من منتصف الملعب




اثناء المباراه اصيب كابتن كريم عبد اللطيف وتم تغيره

وللاسف اصيب بتمزق فى الاربطه وسيغيب عده ايام عن الفريق

الف سلامه يا كابتن

وتم ختام اليوم بمباراه كبيره جدا بين الشباب والخبره

بين فريقى

القدماء بقياده كابتن محمود جبر حبيب

وفريق المدير

انتهت المباراه بفوز فريق القدماء 2-1 وطبعا الخبره حسمت كل شئ

لم تلعب فرق المجموعه الثانيه حتى الان لعدم قدوم فرق كفر الحصافه وشبرا


وطبعا المجموعه دى بضم فريقين من كفر الجمال



فريق الامل بقياده عبدالرحمن مسعد حبيب

فريق النور بقياده على الرشيدى



احسن لاعب فى البطوله حتى الان هو حارس المرمى الرائع مسعد ماضى

ان شاء الله هندعم الموضوع بالصور هنوافيكم بالنتائج اول باول

حماده

الف الف مليون شكرا يا حماده يا غالي

كل سنة وانت طيب

رمضان كريم علي الكل ان شاء الله

يا رب السنة دي تكون الدورة متصورة

شكرا جدا ليك يا حماده وفي انتظار المزيد من الاخبار

سلاااااااااااااااام

شكرا يا فرعون

قمت بالتدعيم ببعض الصور إلى أن يتسنى رفع الفيديوهات

أرجو المتابعة باستمرار

وفقكم الله و السلام عليكم

السلام عليكم ورحمة الله

طبعا اولا احب اشكر الاخ الفرعون العاشق على مجهوده الجبار

واشكركم جميعا على هذه التغطية الرائعة

ولكن من فضلكم اطلب منكم تصوير الاحداث بالفديو

لانى مازلت خارج البلدة فى ايطاليا

وشكرا وكل عام وانتم بخير

الف مبروك ب

س فين الفيدوهات بتاعت الماتشات

الله على التغطية الجميلة

ورمضان كريم

حماده

ناجي احمد محمد السيد عطيه كتب:

وياحبذا لو اكتملت المنظومه

وتنزل النتائج مجمعه في جدول الترتيب

بالنقاط والترتيب وعدد المباريات التي لعبت

سيكون الاثر ابلغ واعمق في النفوس

بارك الله فيكم ونتمنى منكم المزيد من العمل والجهد

ولكن كما قال استاذ ناجى لو اتعملت النتائج كلها فى جدول بالنقاط وترتيب الفريق وبعدين يبقى تحليل

الماتش

هتبقى احسن

وبارك الله فيك يا استاذ ناجى على هذا الاقتراح الجيد ونرجو من الله التوفيق للجميع

والسلام عليكم ورحمة الله وبركاته

الف مبروك لفريق كفر الجمال أ وعقبال باقى الفرق

بس كان فى ماتشات غير الماتش ده

النتائج بتاعتها وبعدين اللى حصل فى ماتش الجيل الجديد

امبارح ده مينفعش وكان لازم الماتش يتلغى والحكم يحسب

المبارة لفريق الجيل الجديد 2-0 وهم اتقدموا بمذكرة احتجاج

وان شاء الله ياخدو الثلاث نقط

وجزاكم الله خير على هذا المجهود الرائع

ونتمنى ان تنزل نتائج باقى الماتشات

مشــــــــكورين

شكرا على الاهتمام يا فرعون

جزاك الله خير

الله ينور عليك ياحبيب والديك على مجهودك الرائع انت كده مخلينا عايشين فى الملعب دايما واحنا فى انتظار استكمال المسيره

ربنا يوفق فريق الامل ويفوز النهاردة ويلعب يوم الجمعة دورة ثلاثية

ويصعد للدور القادم ان شاء الله وكمان معانا انهاردة ماتش فايصل بين

فريق المحبة بقيادة احمد السيد يوسف وفريق الفجر بقيادة احمد

الخضرى

وان شاء الله نتمنى مشاهدة حسنة وفوز الفريق الافضل

احم .. احم ..

احرز هدف الامل .. عمر حبيب ..

دى تانى مره يا حماده :(

مش عارف حظك وحش ليه معايا يا عمر كل اما تجيب جون اكتبه لعبد الرحمن

احنا لازم نسال فيها شيخ دى

اما بخصوص الجدول ان شاء الله هينشر اليوم

هو فين الجدول

وبعدين عمر من عبدو مش هتفر اهم اخوات

ولا ايه يا رجالة ربنا يخليكو لبعض

وحظ اوفر المرة القادمة

اقيمت امس مبارايات المجموعه الاولى والثانيه

وكانت النتائج كالاتى

المجموعه الاولى يوجد فريق واحد من كفر الجمال وهو فريق المحبه بقياده محمد ابو غابه

لعب فريق المحبه مع فريق كفر النخله وفاز عليه بنتيجه 3-2

المباراه الثانيه فة المجموعه بين كفر عابد - نامول

فاز فريق نامول 1-0

وكان ترتيب المجموعه كالاتى

المحبه ---- 3 نقاط ---- لعب مباراه واحده ---- احرز 3 هدف ---- عليه 2 هدف

نامول ---- 3 نقاط ---- لعب مباراه واحده ---- احرز 1 هدف ---- عليه 0 هدف

كفر عابد ---- 0 نقاط ---- لعب مباراه واحده ---- احرز 0 هدف ---- عليه 1 هدف

كفر النخله ---- 0 نقاط ---- لعب مباراه واحده ---- احرز 2 هدف ---- عليه 3 هدف


المجموعه الثانيه

يوجد فريق واحد ايضا من كفر الجمال فى هذه المجموعه

هذا الفريق فريق المستقبل بقياده فرج متولى ومحمد صبحى

للاسف خسر فريق المستقبل امام نامول بنتيجه 3-2

وكان التحكيم سئ جدا جدا وكان سبب من اسباب خساره الفريق

المباراه الثانيه فى المجموعه كانت بين

السفينه - طوخ

وانتهت المباراه بفوز السفينه 4-2

ترتيب المجموعه كالاتى

السفينه ---- 3 نقاط ---- لعب مباراه واحده ---- احرز 5 هدف ---- عليه 2 هدف

نامول ---- 3 نقاط ---- لعب مباراه واحده ---- احرز 3 هدف ---- عليه 2 هدف

المستقبل ---- 0 نقاط ---- لعب مباراه واحده ---- احرز 2 هدف ---- عليه 3 هدف

طوخ ---- 0 نقاط ---- لعب مباراه واحده ---- احرز 2 هدف ---- عليه 4 هدف


نجم اليوم هو فريق المستقبل بالكامل لانه لعب مباراه يستحق عليها كل التحيه والتقدير


اليوم ان شاء الله نستكمل مبارايات المجموعه الثالثه والرابعه

سنكون معكم ان شاء الله


حماده

اقيمت اليوم مبارايات المجموعه الثالثه والرابعه

فى المجموعه الثالثه

واصل فريق النور مسلسل الفوز وهزم فريق التوحيد 5-0

وفى نفس المجموعه فاز فريق الابطال على فريق الشروق 2-0


ترتيب المجموعه بعد ثانى مباراه

النور---- 6 نقاط -------- لعب 2 مباراه ------------ احرز 10 اهداف --------- عليه 1 هدف

التوحيد---- 3 نقاط -------- لعب 2 مباراه -------- احرز 2 هدف ---------- عليه 6 هدف

الابطال--- 3 نقاط ------ لعب 2 مباراه --------- احرز 3 هدف ----------- عليه 3 هدف

الشروق--- 0 نقاط ------- لعب2مباراه ----------- احرز 2 هدف --------- عليه 7 هدف



وفى المجموعه الرابعه فاز فريق كفر الجمال على فريق القدماء 7-0


وفاز فريق الوعد على فريق الاصدقاء 5-3

وكان ترتيب المجموعه كالاتى بعد ثانى مباراه


كفر الجمال ---- 6 نقاط ---- لعب 2 مباراه ---- احرز 12 هدف ---- عليه 2 هدف

الوعد---- 6 نقاط ---- لعب 2 مباراه ---- احرز 8 هدف ---- عليه 5 هدف

الاصدقاء--- 0 نقاط ---- لعب 2 مباراه ---- احرز 5 هدف ---- عليه 8 هدف

القدماء---- 0 نقاط ---- لعب 2 مباراه ---- احرز 2 هدف ---- عليه 11 هدف



وغدا ان شاء الله مبارايات المجموعه الاولى والثانيه

سنكون معكم ان شاء الله

نجم اليوم هو ايمن حسنين لاعب فريق النور احرز 3 اهداف ولعب مباراه جميله

حماده

شكرا على مجهودك الرائع

وبالمناسبة دى انا احب اسال لانى سمعت ان فى دورة كمان بعد العيد

فلو حد عنده معلومات عن الدورة دى يا ريت يفيدنا

انا كمان سمعت عن دوره كمان بعد العيد

لكن مفيش اى تفاصيل حنى الان

شكرا لمتابعتك الموضوع

جدول المجموعه الاولى ..

متايعه متميزه يا حماده .. استمر

الله عليك يا عمر شكرا لك

على هذا المجود الرائع

جدول المجموعه الثانيه

طوخ خسرت مره واحده مش اتنين .. اسف على الخطا