HABIBBOND
نائب المديرالعام
سجّل في : 18 أكتوبر 2007
عدد المساهمات : 2372
1 : 2
|  موضوع: وعجبى ... صلاح جاهين  الخميس يوليو 03, 2008 4:52 am | |
| كيف شفت قلبى والنبى يا طبيب
همد ومات ولا ما سعله دبيب
قاللى لقيته مختنق بالدموع
مالوش دوا غير لمسه من ايد حبيب
وعجبى
ليه يا حبيبتى مبينا دايما سفر
دا البعد زمب كبير لا يغتفر
ليه يا حبيبتى مبينا دايما بحور
اعدى بحر الاقى غيره اتحفر
وعجبى
قالوا الشقيق يمص دم الشقيق
والناس ماهياش ناس بحق وحقيق
قلبى رميته وجيبت غيره حجر
داب الحجر ورجع قلبى رقيق
عجبى
من بين شقوق الشيش وشقشقتلك
مع شهقه العصافير زئزئتلك
نهار جديد انا اقوم اشوف نعمل ايه
انا قلت يا تقتلنى ياقتلك
عجبى
احب اعيش ولو اعيش فى الغابات
اضحى كما ولدتنى امى وابات
طائر حوان حشرة بشر بس اعيش
ما احلى الحياة حتى فى هيئة نبات
وعجبى
انا شاب لكن عمرى ولا الف عام
وحيد لكن بين ضلوعى زحام
خايف انا خايف ولكن خوفى منى انا
اخرس ولكن قلبى مليان كلام
وعجبى
خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ وعجبى
_________________
اللهم إنا نسألك رحمة من عندك، تهدي بها قلوبنا.. وتجمع بها شملنا.. وترد بها الفتن عنا.. وتصلح بها دنيانا.. وتحفظ بها ديننا.. وتزكي بها أعمالنا.. وتلهمنا رشدنا .......آمين يارب العالمين |
|
